PocketBook Reader

in Wikipedia, die vrye ensiklopedie
Spring na: navigasie, soek
PocketBook Pro 902/903

PocketBook is 'n reeks e-boeklesers wat deur PocketBook International, 'n Hongkong-gebaseerde multinasionale maatskappy met sy hoofkwartier in Kyiv (Kiëf), Oekraïne vervaardig word.

Die handelsmerk is in 2007 ingevoer, terwyl die vervaardiging van e-boeklesers in laat 2008 begin het. Die toestelle is aanvanklik deur die Taiwannese maatskappy Netronix vervaardig. Sedert die somer van 2010 word hulle deur Foxconn geproduseer. In Oos-Europa het PocketBook se markaandeel reeds meer as veertig persent bereik.

Aangesien die vervaardiging van hardeware uitgekontrakteer is, spits PocketBook hom op die ontwerp van e-lesers en sagteware-ontwikkeling toe. Wat die aantal teksformate betref wat op sy e-boeklesers gelees kan word, is PocketBook lankal die markleier, alhoewel vreemde e-boek- en ander lêerformate ook met behulp van sagteware gekonverteer kan word. PocketBook-e-boeklesers beskik daarnaas oor 'n eenvoudige webblaaier. Dit is ook moontlik om na oudioboeke of MP3-titels te luister.