Pollsmoor-gevangenis

	Pollsmoor-gevangenis
	Ligging
Stad/dorp	Kaapstad
Land	Suid-Afrika
	Inligting
Sekuriteitsklas	Maksimumsekuriteitstronk
Kapasiteit	4 336
Bevolking	7 000
Bestuur deur	SA Departement van Korrektiewe Dienste

Pollsmoor-gevangenis is 'n tronk in Tokai, 'n woonbuurt van Kaapstad, Suid-Afrika. Dit word deur die Suid-Afrikaanse Departement van Korrektiewe Dienste bestuur.

Pollsmoor is 'n maksimum-sekuriteitstronk waaruit gevangenis weinig kans het om te ontsnap. Van Suid-Afrika se gevaarlikste misdadigers word hier aangehou. Die gevangenis het 1 278 personeellede en kan 4 336 aangehoudendes akkommodeer. Hoewel die aantal gevangenes daagliks wissel, huisves die tronk tans meer as 7 000.

Nelson Mandela was die bekendste gevangene wat hier aangehou is.^[1] Marlene Lehnberg, die sogenaamde Skêrmoordenares, het haar vonnis hier uitgedien, maar is in 1986 op parool vrygelaat. Walter Sisulu en Ahmed Kathrada, albei anti-apartheid-aktiviste, was hier opgesluit. Allan Boesak het sy tronkstraf hier uitgedien nadat hy in 2000 aan bedrog skuldig bevind is.