Polonie

in Wikipedia, die vrye ensiklopedie
Gesnyde polonie

Polonie is die naam vir 'n groot wors gemaak van 'n mengsel van bees- en varkvleis wat gewild is in Suid-Afrika en baie gewild was in Brittanje tydens die 17de en 18de eeu. Polonie word nou minder dikwels geëet. Polonie kan gestoor word vir lang tydperke, soms baie weke. Gewoonlik word polonie goed gekruie voordat dit warm gerook word. Dit kan ook gekook word in kookwater wanneer nodig.

Verbruik[wysig | wysig bron]

Polonie word as 'n ekonomiese vleissoort genuttig, wat 'n rand kan rek op die kosrekening. Dis veral gewild by kinders op toebroodjies met bietjie mayonnaise of gerasperde kaas oorgestrooi.

Deesdae word polonie ook van hoender en kalkoen gemaak.