Pompeji

Die vulkaanuitbarsting in 79 n.C.

'n Pompejaanse straat

Pompeji was 'n antieke Romeinse hawestad aan die Golf van Napels in Kampanië wat net soos Herculaneum en Stabiae op 24 Augustus 79 n.C. tydens die uitbarsting van die vulkaan Vesuvius onder vulkaniese rotse en as begrawe is.

In sy sewehonderdjarige geskiedenis is Pompeji agtereenvolgens deur Osci, Samniete, Grieke, Etruskers en Romeine bewoon wat almal hier spore gelaat het. Vulkaniese as en rotse het die ruïnestad tot sy herontdekking in die 18de eeu bedek toe dit die belangstelling van argeoloë en geskiedkundiges gewek het. As een van die bes bewaarde Romeinse ruïnestede gee Pompeji 'n goeie indruk van 'n 1ste eeuse Romeinse nedersetting en die destydse kultuur en leefstyl.

Eksterne skakels

Afrikaans

• myfundi - Jou aanlyn ensiklopedie: Pompeji en Herculaneum
• mieliestronk.com: Die laaste ure van Pompeji