Pongolarivier
in Wikipedia, die vrye ensiklopedie
| Pongolarivier - Pongola River - Rio Pongola | |
|---|---|
 |
|
| Oorsprong | Utrecht, KwaZulu-Natal |
| Monding | Maputo, Mosambiek Maputorivier |
| Gebied waardeur dit vloei | Suid-Afrika, Mosambiek |
| Lengte | 265 km (165 myl) |
| Monding-hoogte | 29 m (95 voet) |
| Stroomgebiedoppervlakte | 8 000 km² |
Die Pongolarivier (Engels: Pongola River, Portugees: Rio Pongola) ontspring net oos van Wakkerstroom op die Hoëveld en dreineer 'n gebied van 8000km². Die rivier vloei dan ongeveer 300km oos. Nadat dit deur Pongolapoort in die Lebomboberg vloei, swaai die rivier noord, sluit aan by die Usuturivier, steek die grens met Mosambiek oor en mond uit in die Indiese Oseaan as die Maputorivier.
In Zoeloe beteken die naam 'trog' na aanleiding van die diep poele met steil kranse langs die rivier. Die Pongolapoortdam is in die rivier.
