Pornografie

in Wikipedia, die vrye ensiklopedie
Spring na: navigasie, soek
'n Pornografie-akteur kry aanwysings by die regisseur van 'n pornofliek wat in 2004 in München, Duitsland, verfilm is.

Pornografie, wat soms verkort word tot porn of porno, is in sy breedste omskrywing die eksplisiete voorstelling van die menslike liggaam of seksuele aktiwiteit met die doel om die kyker seksueel te stimuleer of prikkel.

Dit is soortgelyk aan erotika, wat kuns van 'n erotiese aard is, maar waarvan die hoofdoel nie is om te stimuleer nie, maar eerder die kuns op sigself. Die laaste paar dekades vanaf veral die dekade ná 1970, het 'n reusebedryf rondom pornografie ontstaan weens die verskyning van eers video- en toe DVD-tegnologie en die internet wat pornografie binne maklike bereik van enigeen met die nodige toerusting geplaas het. 'n Ander faktor wat tot die oplewing in die vervaardiging en verspreiding van pornografie gelei het, is 'n meer verdraagsame houding van die samelewing en die gepaardgaande verslapping in wetgewing oor die verspreiding en besit daarvan.

Soos erotika, kan pornografie in verskeie vorme voorkom. Dit sluit onder meer tydskrifte, foto's, beeldhouwerk, animasie, skilderye, klankopnames, rolprente, video's en DVD's in. Wanneer seksdade egter voor 'n gehoor opgevoer word, is dit nie pornografie nie, want die term verwys juis na die uitbeelding van die daad en nie die daad self nie.

Besware[wysig]

Wetlike situasie in die wêreld: ██ Pornografie wettig ██ Pornografie wettig met beperkings ██ Pornografie onwettig ██ Data onbeskikbaar of onbetroubaar

Ondanks die omvang van die pornografiebedryf wêreldwyd, is die besware daarteen legio.[verwysing benodig] Feministe kla dat dit lei tot die objektivering van die vrou, waar vroue gesien word as voorwerpe vir uitbuiting deur mans pleks van mense met gevoelens en ander behoeftes buiten net om mans se geslagsdrif te bevredig. Godsdienstige groepe maak beswaar teen die uitbeelding van geslagsomgang buite die verband van die huwelik. Uit 'n sielkundige oogpunt word daarop gewys dat dit die gebruikers van pornografie leer dat seks iets is wat jy na willekeur kan aan- en afskakel, sonder om emosioneel betrokke te raak en sonder om iets van jouself te gee. Daar word ook beweer pornografie kan tot onrealistiese verwagtinge lei en mense minderwaardig laat voel wanneer hulle nie aan die standaarde van die pornografie-akteurs voldoen nie. Dit kan ook na bewering lei tot 'n afname in die gehalte van 'n mens se sekslewe wanneer gebruikers eerder pornografie ter stimulering gebruik as die ware Jakob.

Voordele[wysig]

Die besware teen pornografie weeg op die oog af baie swaarder as die voordele. Van die voordele, in 'n era van seksueel oordraagbare siektes soos MIV/vigs, is dat dit "veiliger" is as ware seksuele kontak. Maar wanneer beskerming gebruik word tydens die geslagsdaad, hou selfs dié argument nie steek nie.

Sien ook[wysig]