Port Beaufort

in Wikipedia, die vrye ensiklopedie
Spring na: navigasie, soek
Port Beaufort
Ligging van Port Beaufort op 'n kaart (Wes-Kaap)
Port Beaufort
Port Beaufort
Koördinate: 34°23′0″S 20°50′0″O Koördinate: 34°23′0″S 20°50′0″O
Land Vlag van Suid-Afrika Suid-Afrika
Provinsie Wes-Kaap
Distriksmunisipaliteit Eden
Plaaslike Munisipaliteit Hessequa
Tydsone SAST (UTC+2)

Port Beaufort is 'n dorpie by die mond van die Breederivier in die Wes-Kaap, Suid-Afrika.

Geskiedenis[wysig]

Die dorpie is vernoem na die hertog van Beaufort, die vader van die Kaapse Goewerneur, lord Charles Somerset. Joseph Barry se handelsryk het 'n groot invloed op die dorp gehad. Barry het in 1819 vanaf London in Suid-Afrika aangekom. Hy het vinnig gesien dat hy met skepe en bote goedere vinniger tussen Kaapstad en die Overberg kan vervoer. Dit het die ossewaens tot drie weke geneem om die tog tussen Kaapstad en Swellendam te voltooi. Barry het onmiddellik 'n hawe op die noordelike oewer gebou van die Breederivier wat Port Beaufort geword het.

As bote eers oor die sandbank by die mond van die rivier kon kom, kon hulle vir 40 km op die rivier vaar tot by Malgas. Barry het ook by Malgas 'n kaai en pakhuis gebou. Nadat baie skepe by die monding van die rivier gesink en hulle vrag verloor het, het Barry die Kadie, 'n stoomskip van 150ton in Skotland laat bou. Haar nooiensvaart was op 26 September 1859. Vir die volgende ses jaar het die Kadie suksesvol deur die monding gevaar maar egter op 17 November 1865 op die suidelike oewer op die rotse geloop en vergaan. Barry se ryk het die volgende jaar ineengestort. Die koms van spoorlyne het hierdie seeroete tot 'n einde laat kom.

Die dorpie Witsand is net so entjie van Port Beaufort.

Sien ook[wysig]

Bron[wysig]