Port Shepstone

Port Shepstone
Port Shepstone
Koördinate: 30°45′0″S 30°27′0″O
Land	Suid-Afrika
Provinsie	KwaZulu-Natal
Distriksmunisipaliteit	Ugu
Plaaslike Munisipaliteit	Hibiscuskus
Stigting	1867
Vernoem na	Theophilus Shepstone
Bevolking (2009)
- Stad	65 972
Tydsone	SAST (UTC+2)
Webwerf: www.portshepstone.co.za

Port Shepstone is 'n dorp in die ooste van Suid-Afrika, in die suide van die provinsie van KwaZulu-Natal. Die dorp is 120 km suid van Durban. Die N2 nasionale pad gaan deur die dorp.

Geskiedenis

Die Port Shepstonevuurtoring.

Die dorp is in 1867 by die mond van die Mzimkulurivier (beteken:groot tuiste van alle riviere) gestig en na sir Theophilus Shepstone, sekretaris van naturellesake in Natal, vernoem. Munisipale status is in 1934 toegeken. Die oorspronklike nedersetting het ontstaan nadat marmer aan albei oewers naby die monding van die rivier ontdek was. Teen 1901 het die spoorlyn vanaf Durban die dorp bereik.

Hedendaags

Port Shepstone is die setel van die Ugu-distriksmunisipaliteit en ook die Hibiscuskus Plaaslike Munisipaliteit, wat beteken dat al die Staatsdepartemente kantore hier het.

Belangrike produkte wat in die omgewing verbou word is subtropiese vrugte soos piesangs, lietsjies, papajas en avokadopere asook suiker, wattelbas, sisal en hout. Die distrik is 1 328 km² groot.

Boorling van Port Shepstone

Burry Stander, Suid-Afrikaanse bergfietsryer is hier gebore.

Sien ook

• Lys van dorpe in Suid-Afrika

Bron

• Op Pad in Suid-Afrika. 1995. B.P.J. Erasmus. ISBN 1-86842-026-4