Hierdie bladsy gee 'n oorsig van alle uitgeligte artikels en/of beelde op die portaal Musiek. Vir elke week van die jaar is daar so artikel en/of beeld. Voel u vry om hierdie te wysig deur die ooreenkomstige bewerk-skakel te volg.
Uitgelig hierdie week (16)
Daar is nog geen artikel of beeld vir hierdie maand/week/dag. U word uitgenooi om op wysig te klik om daar 'n by te voeg.
Daar is nog geen artikel of beeld vir hierdie maand/week/dag. U word uitgenooi om op wysig te klik om daar 'n by te voeg.
Week 2
Daar is nog geen artikel of beeld vir hierdie maand/week/dag. U word uitgenooi om op wysig te klik om daar 'n by te voeg.
Week 3
Daar is nog geen artikel of beeld vir hierdie maand/week/dag. U word uitgenooi om op wysig te klik om daar 'n by te voeg.
Week 4
Daar is nog geen artikel of beeld vir hierdie maand/week/dag. U word uitgenooi om op wysig te klik om daar 'n by te voeg.
Week 5
Marlene Dietrich
Marlene Dietrich (* 27 Desember1901 in Schöneberg naby Berlyn; † 6 Mei1992 in Parys) was 'n Duits-gebore aktrise en sangeres. In die vroeë dertigerjare het sy internasionale erkenning behaal met rolprente soos Der blaue Engel. Sy was dan ook die eerste Duitse aktrise wat 'n suksesvolle loopbaan in Hollywood begin het. Tydens die Tweede Wêreldoorlog het sy die Verenigde State se militêre optrede teen Nazi-Duitsland gesteun. Sy het haar ná haar loopbaan aan die openbare lewe onttrek en is in 1992 in haar Paryse woonstel oorlede. Sy is in haar geboortestad Berlyn ter ruste gelê.
Michael Jackson (29 Augustus1958, Gary, Indiana (VSA), † 25 Junie2009, Los Angeles, Kalifornië (VSA)) was 'n Amerikaanse sanger, liedjieskrywer, danser, vermaakpersoonlikheid, besigheidsman en humanis wat as een van die suksesvolste musiekkunstenaars in die geskiedenis van die popmusiek bekend staan. Sy unieke bydraes tot populêre musiek en dans, tesame met sy hoogs gepubliseerde persoonlike lewe, het hom vir vier dekades 'n sentrale figuur van die popkultuur gemaak. Hy het 13 Grammy-toekennings gewen en na raming sowat 750 miljoen albums verkoop.Tydens sy sololoopbaan het hy dertien nommereen-treffers opgelewer. Ander prestasies sluit in dat hy een van die weinig kunstenaars was om twee keer in die Rock and Roll Hall of Fame vereer te word en vele Guiness-wêreldrekords — insluitende die rekord vir "Most Successful Entertainer of All Time". Sy grootste treffers sluit "Thriller" en "Billie Jean" in.
The Beatles was 'n legendariese rock 'n' roll-groep wat bestaan het uit vier Britse jongelinge uit Liverpool, naamlik John Lennon, Paul McCartney, Ringo Starr en George Harrison. Hierdie groep het die wêreld se musiektrefferkaarte reg deur die sestigerjare oorheers soos geen ander groep voor of na dit ooit weer gedoen het nie. Hulle was waarskynlik die invloedrykste rock 'n' roll-groep van alle tye. Die 'Fab Four' het 'n populêre histerie in Brittanje begin wat deur die Britse pers as 'Beatlemania' gedoop is en wat na Amerika versprei het. Dit het die Amerikaanse mark oopgestel vir 'n Britse inval van groepe soos die Dave Clark Five, die Rolling Stones en die Kinks.
Met hulle bossiekophaarstyle, kraaglose Pierre Cardin pakke, speelse geestigheid, lewendige persoonlikhede en genotsugtige houdings teenoor die lewe, het hulle die beliggaming van die sestigerjare se styl geword en 'n seëvierende kultuurkrag. Hulle nalantenskap het 'n onmeetbare invloed op hedendaagse popmusiek gehad aangesien hulle die klank van klassieke Amerikaanse rockmusiek in 'n onbeperkte verskeidenheid harmonieë, strukture en klanke verander het. In 1965 het die Beatles 'n koninklike toekenning van die koningin (die lid van die orde van die Britse Ryk) ontvang en in 1988 is hulle in die Rock and Roll Hall of Fame bevestig.
Elvis Presley (1935-1977) was 'n Amerikaanse musikus en akteur. Daar word dikwels na hom verwys as die King of Rock and Roll, of kortweg slegs The King.
Elvis Aaron Presley is op 8 Januarie1935 in Tupelo, Mississippi gebore as seun van Vernon en Gladys Presley. Elvis het op die ouderdom van elf jaar 'n kitaar van sy ouers ontvang saam met wie hy in 'n Pinkster-gospelgroep gesing het. Hy het sy eerste lied op die ouderdom van agtien in 'n ateljee in Memphis opgeneem. Sy kombinasie van swart blues en wit country het gou gewild geword en in 1956 het die lied Heartbreak Hotel bo-aan die Amerikaanse trefferlyste gestaan. In dieselfde jaar was die eerste vertoning van sy eerste film, Love me tender.
Sy huis, Graceland in Memphis, Tennessee, is omskep tot heiligdom vir die legende en is sedert sy dood deur miljoene bewonderaars besoek. Wêreldwyd het hy meer as 'n miljard plate verkoop, meer as enige ander kunstenaar in die geskiedenis.
Ludwig van Beethoven (* 16 Desember1770 in Bonn, Duitsland; † 26 Maart1827 in Wene, Oostenryk) was 'n Duitse komponis en pianis. Hy word geag as 'n belangrike figuur van die oorgangstydperk tussen die Klassieke en Romantiese eras in die Westerse klassieke musiek en hy bly steeds een van die mees bekende en invloedryke komponiste van alle tye.
Ludwig van Beethoven het in Bonn groot geword en het na Wenen verhuis in sy vroeë twintagerjare waar hy by Franz Joseph Haydn geleer het. Beethoven se gehoor het begin verswak in die laat 1790's, maar hy het steeds aangehou om musiek te komponeer, om te diregeer en om optredes te lewer, selfs nadat hy heeltemal doof geraak het.
Blues is 'n musiekstyl en genre wat tussen 1860 en 1900 ontstaan het uit die musiek van die slawe in die Suide van die Verenigde State, onder andere in die Mississippidelta, tussen Memphis en New Orleans. Die vernaamste musikale bronne wat tot die ontstaan van die blues bygedra het, is die godsdienstige liedjies (gospels) en liedjies wat die slawe gesing het terwyl hulle gewerk het. Musiek, in groepe of alleen, met of sonder selfgemaakte instrumente, was dikwels die enigste manier wat die slawe gehad het om hul lyding uit te druk en te versag. Vandaar ook die naam "blues", wat op die musiek se melankoliese toon en inhoud dui.
Tydens die Eerste Wêreldoorlog het baie swartes vanuit die Suide na die stede in die Noorde (onder andere Chicago en Detroit) getrek, waardeur hul musiek 'n meer "stedelike" geluid gekry het, gekenmerk deur die gebruik van elektriese instrumente. Hierdie musiek het ook 'n vinniger tempo gehad en sou later die weg baan vir rhythm and blues (R&B) en ruk-en-rol. Die laasgenoemde het tydens die vyftigerjare die voortou geneem, maar deurdat Britse musikante soos Eric Clapton, die Rolling Stones en Led Zeppelin ook blues in hul musiek gebruik het, het die genre weer gewild geword.
Die Saxofoon (soms saksofoon geskryf) is 'n musiekinstrument wat in die 1840's deur Adolphe Sax in Parys ontwerp is. Hy was lid van die familie Sax wat instrumente vervaardig en daarmee in Brussel begin het. Die saxofoon was gewild onder Franse komponiste en het gou 'n plek in die Franse militêre orkeste gevind. Geleidelik is dit ook in Franse operas aangewend. In die VSA het Sousa dit in die 1890's in komposisies gebruik, en daarna het dit 'n gewilde jazzinstrument geword.
Die kleiner saxofone is reguit, terwyl die groter instrumente se bekers opwaarts en na vore gebuig is met die nek teruggebuig na die speler.
Sax het die saxofoon vir sowel orkes as blaasorkes ontwerp. Die klankkleur is 'n mengsel van hout- en koperblaasinstrumente en wissel van die sagte klanke van die fluit tot die breë, ryk klanke van die tjello en die metaalklanke van die kornet.
Maria Callas (* 2 Desember1923, † 16 September1977) was een van die grootste operasangers van die twintigste eeu en danksy haar verbintenis met die Griekse skeepsmagnaat Aristoteles Onassis ook een van die bekendste glanspersoonlikhede van die jare vyftig en sestig.
Cecelia Sophia Anna Maria Kalogeropolous is in New York Stad gebore, waarheen haar ouers uit Griekeland verhuis het, maar het in 1936 na Griekeland teruggekeer om sang aan die Koninklike Musiekakademie in Athene te studeer onder die befaamde Spaans-gebore sopraan Elvira de Hidalgo (1898 tot 1980). Sy het haar debuut daar in 1939 in Cavalleria Rusticana in die koninklike operahuis gemaak en mettertyd al die vername operahuise soos die Metropolitan-operahuis, Covent Garden en La Scala verower. Haar stem, hoewel nooit "mooi" in die tradisionele sin van die woord nie, het 'n byna ongekende dramatiese uitdrukkingsvermoë gehad en danksy haar veelsydigheid kon sy dramatiese sowel as liriese rolle vertolk.
Selena Marie Gomez (gebore 22 Julie1992 in Grand Paire, Texas, VSA) is 'n Amerikaanse sangeres, aktrise en modeontwerpster. Sy het bekend geword vir haar rol as Alex Russo in die Disney-sitkom Wizards of Waverly Place. Gomez speel ook in verskeie rolprente en het gasrolle in 'n aantal TV-reekse gespeel. Sy het verskeie albums saam met haar musiekgroep, Selena Gomez & the Scene opgeneem. Sy het ook haar eie klerereeks, Dream Out Loud, en doen graag vrywilligerswerk. Sedert 2008 is Gomez 'n UNICEF-ambassadeur, die jongste ambassadeur wat UNICEF tot dusver gehad het. In Mei 2012 loods se haar eerste parfuum, "Selena Gomez: The Debut Fragrance".
Korsten is op 6 Desember1927 in Rotterdam, Nederland gebore. Hy is die jongste van agt kinders en het as negejarige seun in 1936 saam met sy ouers na Suid-Afrika geïmmigreer en in Johannesburg-Noord gaan woon waar hy matrikuleer aan die latere Highlands North Boys' High School, wat destyds gemeng was. Hy het sy loopbaan as operasanger begin en was reeds op 20-jarige ouderdom lid van die SAUK se kore. Hy het in 1952 stemopleiding ontvang by die South African College of Music in Kaapstad onder leiding van Adelheid Armhold.
In 1955 het hy na Pretoria verhuis waar hy verdere opleiding onder leiding van Albrecht Lewald ontvang het. Hy was in dieselfde jaar ook een van die stigterslede van die Pretoria-operagroep. Sy operadebuut maak hy in 1956 as Canio in Pagliacci.
.jpg)
