Postmasburg

Postmasburg
Postmasburg
Koördinate: 28°19′″S 23°4′″O
Land	Suid-Afrika
Provinsie	Noord-Kaap
Distriksmunisipaliteit	Siyanda
Plaaslike Munisipaliteit	Tsantsabane
Stigting	1892
Stigter	J. Postma
Oppervlak
- Stad	103,59 km²  (40 vk m)
Bevolking (2001)
- Stad	13 692
- Digtheid	130/km² (336,7/myl2)
Poskode	8420
Skakelkode(s)	053

Postmasburg is 'n dorp in die Kalahariwoestyn van die provinsie Noord-Kaap (Suid-Afrika), wat veral as 'n sentrum van mangaan-, asbes- en diamantmynbou bekend staan. Die Gatkoppiesmyn sowat vyf kilometer noord van Postmasburg is 'n belangrike argeologiese terrein. Opgrawings, wat hier gedoen is, het die bewys gelewer dat die Khoisan reeds omtrent die jaar 700 hier met mynbou besig was. Hulle het 'n rooi stof wat van die ystererts afkomstig was gebruik om hul velle en gesigte te kleur genaamd blinkklip of wetenskaplik die hematiet.

Geskiedenis

Die dorp is in 1892 gestig en vernoem na prof. J. (Ferdinand) Postma, een van die stigters van die Gereformeerde Kerk. Die spoorlyn vanaf Kimberley het die dorp in 1930 bereik.

Omgewing

70 km suid van Postmasburg is die Witsand natuurreservaat, wat oor die mooiste woestynsandduine beskik. Brulsand is 'n natuurwonder wat veral in die droë somermaande 'n brulgeluid maak as jy daarop loop by die hoë duine.

Sien ook

• Lys van dorpe in Suid-Afrika

Bronne

• Op Pad in Suid-Afrika. BPJ Erasmus. 1995. ISBN 1-86842-026-4
• Ensiklopedie van Suidelike Afrika. Eric Rosenthal. 1967.