Pous Damasus II

in Wikipedia, die vrye ensiklopedie
Pous Damasus II
Geboortenaam Poppo von Brixen
Pontifikaat begin 17 Julie 1048
Pontifikaat eindig 9 Augustus 1048
Voorganger Benedictus IX
Opvolger Leo IX
Gebore
Beiere, Duitsland
Sterf 9 Augustus 1048
Palestrina, Italië
Ander pouse genaamd Damasus

Damasus II was die 151ste pous van die Rooms-Katolieke Kerk.

Biografie[wysig | wysig bron]

Pous Damasus II is gebore as Poppo von Brixen waarskynlik in Pildenau, Beiere, Duitsland, die seun van graaf Poppo II von Rott. Voor sy verkiesing was Poppo biskop van Brixen in Tirool. Op 17 Julie 1048 volg hy Pous Benedictus IX op en regeer tot sy dood op 9 Augustus 1048.[1] Hy word opgevolg deur Pous Leo IX. Die naam ‘Damasus’ beteken 'van diamant'.

Pontifikaat[wysig | wysig bron]

Na die dood van Pous Clemens II in Julie 1047 het die Tusculum faksie weer sy mag laat geld en met die steun van Bonifatius, Markgraaf van Toskane, het hulle weer Benedictus IX pous gemaak. Op Kersdag 1047 het die gesante van Rome vir die keiser Hendrik III die nuus van Clemens se dood gebring en gevra dat hy iemand moet aanstel. Die gesante het, soos hulle opgedra is, vir Halinard, aartsbiskop van Lyon voorgestel. Die keiser het egter Poppo von Brixen aangestel as Pous Damasus II. Die keiser het Bonifatius opdrag gegee om Damasus na Rome te neem. Bonifatius het aanvanklik geweier omdat hy Benedictus verkies het, maar die keiser het sy voet neergesit. Na 'n baie kort pontifikaat van slegs 24 dae sterf die pous waarskynlik aan malaria, in Palestrina waarheen hy gereis het om aan die somerhitte in Rome te ontsnap.

Bibliografie[wysig | wysig bron]

  • Duff, Eamon (2001). Saints and Sinners: A History of the Popes, Yale University Press. ISBN 0-300-09165-6
  • Maxwell-Stuart, P. G. (2002). Chronicle of the Popes: The Reign-by-Reign Record of the Papacy from St. Peter to the Present, Thames & Hudson. ISBN 0-500-01798-0.

Verwysings[wysig | wysig bron]

  1. "Damasus II." Encyclopædia Britannica. 2008. Encyclopædia Britannica Online. 18 Junie 2008 <http://www.britannica.com/eb/article-9028640[dooie skakel]>

Eksterne skakels[wysig | wysig bron]

Wikisource
Wikisource
Die Engelse Wikisource bevat bronmateriaal oor hierdie onderwerp onder die titel:
  • BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
  • PTA Inskrywing in "Popes through the Ages" deur J. Brusher S.J. (Engels)


Nota[wysig | wysig bron]

Saamgestel en vertaal uit die Nederlandse, Engelse, Duitse en Franse wikipedia en aangevul uit ander bronne soos aangedui.

Opvolging[wysig | wysig bron]

Voorafgegaan deur
Benedictus IX
Pous (Pontifex Maximus)
1048 – 1048
Opgevolg deur
Leo IX