Pous Johannes X
vanuit Wikipedia, die vrye ensiklopedie.
| Pous Johannes X | |
|---|---|
 |
|
| Pontifikaat begin | Maart of April 914 |
| Pontifikaat eindig | Mei 928 |
| Voorganger | Lando |
| Opvolger | Leo VI |
| Gebore | ±860 Tossignano, Italië |
| Sterf | Desember 928 Rome, Italië |
| Ander pouse genaamd Johannes | |
Johannes X was die 122ste pous van die Rooms-Katolieke Kerk.
Inhoud |
[wysig] Biografie
Pous Johannes X is ongeveer in 860 gebore in Tossignano by Imola, Italië uit die familie van die Cenci. Hy was biskop van Bologna en word aartsbiskop van Ravenna in 905. In Maart of April 914 volg hy Pous Lando op en regeer tot hy afgeset word in Mei 928. Hy word opgevolg deur Pous Leo VI. Die naam ‘Johannes’ beteken 'God is genadig'.
[wysig] Pontifikaat
Tydens die bewind van Pous Johannes X is Italië aangeval deur die Sarasene. Johannes het staat gemaak op die beskerming van Alberik, markies van Camerino, wat toe goewerneur van die hertogdom van Spoleto was. Die pous met behulp van Berengarius I, koning van Italië verslaan die Sarasene in Augustus 915 tydens 'n veldslag aan die oewer van die van Garigliano-rivier. In Desember van dieselfde jaar kroon die pous Berengarius tot keiser van die Heilige Romeinse Ryk. Nadat Berengarius in April 924 vermoor is, sluit die pous op 9 Julie 926 in Mantua 'n verbond met Hugo van die Provence, die nuwe koning van Italië.
In 925 stuur die pous 'n brief aan Koning Tomislav van Kroasië waar in hy aandui dat die Kroatiese ryk sy ontstaan aan die pousdom te danke het. Tomislav het die brief waardeer omdat dit sy aansprake op die troon versterk het.
Pous Johannes X het ook sy getroue vriend Petrus, biskop van Orte na Duitsland getuur. Petrus hou in 916 'n sinode by Hohenaltheim en het goeie betrekkinge met koning Koenraad gehandhaaf. Johannes het hom ook bemoei met kerksake in Frankryk. Hertog Heribert van Akwitanië het koning Karel die Eenvoudige gevange geneem in 923 en geëis dat sy vyfjaar oue seun Hugo van Vermandois, aartsbiskop van Reims word. Die pous het toegegee aan die eis toe Heribert belowe het om die koning vry te laat.
Weens sy verbond met Hugo van die Provence het Johannes X in onguns geraak by Marozia van die familie van Theophyilactus en word hy afgeset en in die Engeleburg opgesluit in 928, waar hy in Desember van dieselfde jaar sterf. Hy is waarskynlik op aanstigting van Marozia vergiftig of versmoor [1].
[wysig] Bibliografie
- Duff, Eamon (2001). Saints and Sinners: A History of the Popes, Yale University Press. ISBN 0-300-09165-6
- Maxwell-Stuart, P. G. (2002). Chronicle of the Popes: The Reign-by-Reign Record of the Papacy from St. Peter to the Present, Thames & Hudson. ISBN 0-500-01798-0.
[wysig] Verwysings
- ^ "John X." Encyclopædia Britannica. 2008. Encyclopædia Britannica Online. 20 Mei 2008 <http://www.britannica.com/eb/article-9043760>
[wysig] Eksterne Skakels
- CE Inskrywing in die Catholic Encyclopedia (Engels)
- CF Inskrywing in die Catholic Forum (Engels)
- BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
- PTA Inskrywing in "Popes through the Ages" deur J. Brusher S.J. (Engels)
[wysig] Nota
Saamgestel en vertaal uit die Nederlandse, Engelse, Duitse en Franse wikipedia en aangevul uit ander bronne soos aangedui.
[wysig] Opvolging
| Vooraf gegaan deur: Lando |
Pous (Pontifex Maximus) 914 – 928 |
Opgevolg deur: Leo VI |
| Teenpouse | |
|---|---|
|
Hippolitus – Novatianus – Felix II – Ursinus – Eulalius – Laurentius – Dioscurus – Eugenius I - Theodorus II – Paschalis I – Theofilactus - Konstantyn II – Philippus – Johannes – Anastasius – Christoforus – Bonifatius VII – Donus II - Johannes XVI – Gregorius – Silvester III – Benedictus X – Honorius II – Clemens III – Theodoricus – Albertus – Silvester IV – Gregorius VIII – Celestinus II – Anacletus II – Victor IV – Paschalis III – Callixtus III – Innocentius III – Nicolaas V – Clemens VII – Benedictus XIII – Alexander V – Johannes XXIII – Clemens VIII – Benedictus XIV – Felix V |
|
