Pous Marinus I

in Wikipedia, die vrye ensiklopedie
Pous Marinus I
Pontifikaat begin 16 Desember 882
Pontifikaat eindig 15 Mei 884
Voorganger Johannes VIII
Opvolger Adrianus III
Gebore
Gallese, Umbrië
Sterf 15 Mei 884
Rome, Italië
Ander pouse genaamd Marinus

Marinus I was die 108ste pous van die Rooms-Katolieke Kerk. Die naam is in die Middeleeue dikwels verwar met Martinus.

Biografie[wysig | wysig bron]

Pous Marinus I is gebore in Gallese, Umbrië die seun van 'n priester met die naam Palumbo. Pous Leo IV het hom as sub-deken aangestel. Pous Nicolaas I bevorder hom na diaken en Pous Johannes VIII maak hom biskop van Cerveteri. Dit het sy verkiesing kontroversieel gemaak omdat in die tyd van 'n biskop verwag is om nooit sy bisdom te verlaat nie. Hy was drie keer die pouslike afgevaardigde na Konstantinopel waar hy te doen gekry het met die stryery oor Patriarg Photius. Op 16 Desember 882 volg hy Pous Johannes VIII op en regeer tot sy dood op 15 Mei 884. Hy word opgevolg deur Pous Adrianus III. Die naam ‘Marinus’ beteken 'seeman'.

Pontifikaat[wysig | wysig bron]

Reg aan die begin van sy pontifikaat het Pous Marinus I vir Formosus in ere te herstel as kardinaal-biskop van Portus. In 882 het hy ook die banvloek oor Photius uitgespreek. Weens die groot agting wat die pous gehad het vir koning Alfred die Grote het hy die Angel-Saksers in Rome van skatting en belasting vrygestel.

In 883 ontmoet die pous keiser Karel III, die Dikke by Nonantola.

Hy het sterk druk probeer plaas op die Oos-Romeinse keiser Basil om op te tree teen die kerkskeuring. Daar is 'n sterk vermoede dat hy vergiftig is, nadat hy probeer het om stryery tussen die Italiaanse faksies by te lê.

Bibliografie[wysig | wysig bron]

  • Davis, R. (1995). The Lives of the Ninth-Century Popes from A.D. 817 – 891 (English Translation of the Liber Pontificalis) Liverpool University Press.
  • Duff, Eamon (2001). Saints and Sinners: A History of the Popes, Yale University Press. ISBN 0300091656
  • Maxwell-Stuart, P. G. (2002). Chronicle of the Popes: The Reign-by-Reign Record of the Papacy from St. Peter to the Present, Thames & Hudson. ISBN 0500017980.

Eksterne skakels[wysig | wysig bron]

Wikisource
Wikisource
Die Engelse Wikisource bevat bronmateriaal oor hierdie onderwerp onder die titel:
  • BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
  • PTA Inskrywing in "Popes through the Ages" deur J. Brusher S.J. (Engels)


Nota[wysig | wysig bron]

Saamgestel en vertaal uit die Nederlandse, Engelse, Duitse en Franse wikipedia en aangevul uit ander bronne soos aangedui.

Opvolging[wysig | wysig bron]

Voorafgegaan deur
Johannes VIII
Pous (Pontifex Maximus)
882884
Opgevolg deur
Adrianus III