Pous Nicolaas IV

in Wikipedia, die vrye ensiklopedie
Spring na: navigasie, soek
Pous Nicolaas IV
NicholasIV.jpg
C o a Niccolo IV.svg
Geboortenaam Girolamo Masci d’Ascoli
Pontifikaat begin 15 Februarie 1288
Pontifikaat eindig 4 April 1292
Voorganger Honorius IV
Opvolger Celestinus V
Gebore 30 September 1227
Lisciano, Italië
Sterf 4 April 1292
Rome, Italië
Ander pouse genaamd Nicolaas

Nicolaas IV was die 191ste pous van die Rooms-Katolieke Kerk van 1288 tot 1292 na ‘n sedis vacatio van tien maande.

Biografie[wysig]

Pous Nicolaas IV [1] is gebore as Girolamo Masci d’Ascoli (ook Jerome d’Ascoli) op 30 September 1227 in Lisciano, Italië. Op 15 Februarie 1288 volg hy Pous Honorius IV op en regeer tot sy dood op 4 April 1292. Girolamo was ‘n Franciskaner monnik en die eerste Franciskaner wat pous geword het. Hy was ‘n pouslike legaat na die Grieke onder Pous Gregorius X in 1272 en volg Bonaventure op as generaal van die Franciskane in 1274. Pous Nicolaas III maak hom kardinaal-priester van Sint Prassede op 12 Maart 1278 en Latynse patriarg van Konstantinopel. Pous Martinus IV bevorder hom tot kardinaal-biskop van Palestrina op 12 April 1281. Hy word opgevolg deur Pous Celestinus V. Die naam ‘Nicolaas’ beteken 'oorwinnaar oor/uit die volk'.

Pontifikaat[wysig]

‘’’Pous Nicolaas IV’’’[2] was ‘n vredeliewende man wat geen belange buite die kerk gehad het nie en die kruistogte en die uitroei van kettery op die hart gedra het. Hy volg die middeweg tussen die partye in Rome en het probeer om die Sisiliaanse vraagstuk op te los. Op 29 Mei 1289 kroon hy koning Karel II van Napels en Sisilië nadat Karel die pous as sy leenheer erken het. In Februarie 1291 sluit hy ‘n verdrag met Alfonso III van Aragon en Philip IV van Frankryk met die doel om James II van Aragon uit Sisilië te verdryf. Die val van Acre in 1291 het Nicolaas opnuut beweeg om ‘n kruistog te propageer. Hy stuur sendelinge onder andere die beroemde Johannes van Monte Corvino na die Bulgare, die Etiopiërs, die Tartare en die Chinese. Op 18 Julie 1289 vaardig hy ‘n wet uit waarin kardinale die helfte van die geld van die pouslike staat kry. Dit het die kollege van kardinale onafhanklik gemaak, iets wat die pousdom in die volgende eeu baie nadelig was. Nicolaas het gesterf in die paleis wat hy lang die basiliek van Santa Maria Maggiore laat bou het.

In 1291 het Nicolaas die ‘Taxatio’ laat opstel. Dit bevat ‘n gedetailleerde beskrywing van die Engelse en Walliese gemeentes se kerke en besittings met die doel om pouslike belasting daarop te hef. Die dokument waarvan afskrifte steeds bestaan is ‘n belangrike bron van inligting oor Engeland en Wallis in die Middeleeue. Dit is in 1802 herdruk deur die ‘Records Commission’ onder die titel ‘Taxatio Ecclesiastica Angliae et Walliae Auctoritate’ .

Bibliografie[wysig]

  • Duff, Eamon (2001). Saints and Sinners: A History of the Popes, Yale University Press. ISBN 0300091656.
  • Maxwell-Stuart, P. G. (2002). Chronicle of the Popes: The Reign-by-Reign Record of the Papacy from St. Peter to the Present, Thames & Hudson. ISBN 0500017980.

Verwysings[wysig]

  1. Nicholas IV. (2008). Encyclopædia Britannica. Deluxe Edition. Chicago: Encyclopædia Britannica.
  2. Weber, N. (1911). Pope Nicholas IV. In The Catholic Encyclopedia. New York: Robert Appleton Company. Besoek November 11, 2008 by: http://www.newadvent.org/cathen/11057a.htm

Eksterne skakels[wysig]

Wikisource
Die Engelse Wikisource bevat bronmateriaal oor hierdie onderwerp onder die titel:
  • BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
  • PTA Inskrywing in "Popes through the Ages" deur J. Brusher S.J. (Engels)


Nota[wysig]

Saamgestel en vertaal uit die Nederlandse, Engelse, Duitse en Franse wikipedia en aangevul uit ander bronne soos aangedui.

Opvolging[wysig]

Voorafgegaan deur:
Erard de Lessines
Biskop van Palestrina
12811288
Opgevolg deur:
Bernardo V Berardi de Cagli
Voorafgegaan deur:
Honorius IV
Pous (Pontifex Maximus)
12881292
Opgevolg deur:
Celestinus V


Teenpouse

HippolitusNovatianusFelix IIUrsinusEulaliusLaurentiusDioscurusEugenius I - Theodorus IIPaschalis ITheofilactus - Constantinus IIFilippusJohannes VIIIAnastasius IIIChristoforusBonifatius VII - Johannes XVIGregorius VISilvester IIIBenedictus XHonorius IIClemens IIITheodoricusAlbertusSilvester IVGregorius VIIICelestinus IIAnacletus IIVictor IV (Gregorius) - Victor IV (Octavianus)Paschalis IIICallixtus IIIInnocentius IIINicolaas VClemens VIIBenedictus XIIIAlexander VJohannes XXIIIClemens VIIIBenedictus XIV (Bernard Garnier) - Benedictus XIV (Jean Carrier)Felix V