Prestasieverbetering

Prestasieverbetering is 'n konsep wat dui op die meting van 'n spesifieke proses se uitsette ten einde die effektiwiteit van die proses te verbeter. Prestasieverbetering kan toegepas word op die prestasie van prosesse (bv. vervaardigingsprosesse), individue (bv. atlete), spanne (bv. sportspanne, besigheidspanne) of organisasies (bv. ondernemings, nywerhede).

Met betrekking tot besigheidsontwikkeling, dui prestasieverbetering op die besigheidsverandering wat te weë gebring word as die bestuur van 'n onderneming die huidige prestasie meet en dan stappe neem om die prestasievlakke van die onderneming te verbeter ten einde hoër uitsette, laer koste en beter effektiwiteit te bereik. Bestuurstappe wat geneem kan word sluit die volgende in: sosiale- en kultuurveranderings, infrastruktuurveranderings asook ekonomiese- en finansiële veranderings.

Prestasie

Prestasie kan deur die volgende twee definisies beskryf word:

• Prosesdefinisie: Prestasie kan as 'n proses gedefinieer word as mense wat (individueel of kollektief) na 'n gegewe werksdoelwit strewe;
• Uitsetdefinisie: As 'n uitset word prestasie gedefinieer as die kongruensie tussen die werksdoelwit en die uitset van die proses waardeur mense (individueel of kollektief) na die bereiking van 'n werksdoelwit strewe.

Vlakke

Prestasieverbetering kan op verskeie vlakke geskied:

• 'n individu;
• 'n span;
• 'n departementele afdeling van 'n onderneming;
• 'n onderneming

Veranderingsiklus

Besigheidsprosesbestuur- en verbetering is 'n sikliese toepassing van:

1. Prestasiebeplanning;
2. Prestasiementorskap;
3. Prestasiebeoordeling