Prieska

Prieska
Prieska soos vanaf die N10 gesien.
Prieska
Koördinate: 29°40′″S 22°45′″O
Land	Suid-Afrika
Provinsie	Noord-Kaap
Distriksmunisipaliteit	Pixley ka Seme
Stigting	1882
Bevolking (2007)
- Stad	11 187
Tydsone	SAST (UTC+2)

Prieska is 'n Noord-Kaapse dorp op die suidelike oewer van die Oranjerivier, sowat 130 km noordwes van Britstown en 75 km suidoos van Marydale.

Dit het omstreeks 1878 as dorpie begin ontwikkel rondom die plek waar boere getrek het wanneer die panne ná reën vol was. Dit is deur 'n dorpsbestuursraad geadministreer van 1882 en het in 1892 munisipale status verwerf. Die naam, wat vroeër Priskab was, is afkomstig van die inheemse taal Korana en beteken "plek van die verdwaalde ooi". Dit was die toneel van gevegte tydens die Tweede Vryheidsoorlog.

Die bevolking was in 1978 sowat 9 000, waarvan sowat 2 000 wit was. Die geraamde bevolking in 2007 volgens die World Gazetteer, was 11 187, byna 400 minder as tien jaar vantevore se skatting.

Nywerhede

Die plaaslike ekonomie steun swaar op boerdery en mynbou. Prieska is een van die grootste uitvoerders van "tieroog"-edelstene ter wêreld. Daar is ook 'n wapentoets-fasiliteit.

Feeste

Die Olyf-fees word in Mei en die Bosfees in September elke jaar aangebied.

Sien ook

• Lys van dorpe in Suid-Afrika

Eksterne skakels

• Prieska se webtuiste