Prince Alfred Hamlet

Prince Alfred Hamlet
Prince Alfred Hamlet
Prince Alfred Hamlet  Prince Alfred Hamlet se ligging in Wes-Kaap
Koördinate: 33°18′S 19°19′O
Land	Suid-Afrika
Provinsie	Wes-Kaap
Distrik	Kaapse Wynland
Munisipaliteit	Witzenberg
Stigting	1861
Oppervlak
• Totaal	8,73 km2 (3,37 vk. myl)
Hoogte	520 m (1 710 ft)
Bevolking  (2011)
• Totaal	6 810
• Digtheid	780/km2 (2 000/vk. myl)
Rasverdeling (2011)
• Wit mense	13.0%
• Indiërs/Asiërs	0.1%
• Bruin mense	72.4%
• Swart mense	13.5%
• Ander	1.0%
Taal (2011)
• Afrikaans	86.8%
• Xhosa	6.6%
• Sotho	3.8%
• Engels	1.7%
• Ander	1.1%
Poskode (strate)	6835
Poskode (posbusse)	6840
Skakelkode	023

Prince Alfred Hamlet is 'n dorp sowat 10 kilometer noord van Ceres in die Warm Bokkeveld in die Wes-Kaap (Suid-Afrika).

Geskiedenis

Die dorp is op 8 Desember 1861 deur Johannes Cornelis Goosen gestig op die plaas Wagenboomsrivier en vernoem na prins Alfred, die tweede seun van die Britse koningin Victoria, wat 'n jaar tevore 'n besoek aan Suid-Afrika gebring het.

Wapen

Prince Alfred Hamlet se munisipale raad het die volgende wapen in 1994 by die Buro vir Heraldiek geregistreer: In goud, 'n regopgeplaaste rooi graaf tussen ses groen punte na 'n punt, drie punte uitkomend uit elke flank; op 'n goue skildhoof, drie blou uitkomende driehoeke, die basisse aanstotend. Die helmteken was 'n goue klimmende leeu met 'n protea tussen sy voorpote, uitkomend uit 'n blou muurkroon, en die wapenspreuk is "Arbeid dra vrug".

Omgewing

Die dorp is 'n terminus van die takspoorlyn van Wolseley via Ceres. Groot hoeveelhede sagtevrugte en aartappels word hiervandaan verspoor. Die dorp staan bekend vir sy vrugteverbouing, wat vinnige nywerheids- en sakeontwikkeling aan die begin van die 21ste eeu bevorder het.

Noord van die dorp is die Gydopas wat die dorp met die Koue Bokkeveld verbind.

Sien ook

• Lys van dorpe in Suid-Afrika