Diana, Prinses van Wallis

in Wikipedia, die vrye ensiklopedie
(Aangestuur vanaf Prinses Diana)
Spring na: navigasie, soek
Diana
Prinses van Wallis, Hertogin van Rothesay
Princess diana bristol 1987 01.jpg
Volle naam Diana Frances Spencer
Eggenoot Charles, Prins van Wallis
Kinders William
Harry
Titels Diana, Prinses van Wallis
HKH die Prinses van Wallis
Lady Diana Spencer
Huis Windsor
Vader John Spencer, 8ste graaf Spencer
Moeder Frances Burke Roche
Gebore 1 Julie 1961; Park House, Sandringham, Norfolk
Oorlede 31 Augustus 1997; Pitié-Salpêtrière-hospitaal, Parys, Frankryk

Diana, Prinses van Wallis (Diana Frances Mountbatten-Windsor[1], gebore Spencer; 1 Julie 196131 Augustus 1997) was die eerste vrou van Sy Koninklike Hoogheid prins Charles. Tydens die huwelik is daar twee seuns gebore vir die koninklike paar, nl William en Harry[2]. Sedert haar huwelik in 1981 tot met haar egskeiding in 1996 het sy bekend gestaan as Haar Koninklike Hoogheid die Prinses van Wallis. Sy was in die media algemeen bekend as prinses Diana ten spyte daarvan dat sy geen aanspraak gehad het op dié titel nie, wat net gereserveer is vir 'n prinses deur geboortereg. Sy was beroemd vir haar inspirerende liefdadigheidswerk, maar ook vir die skandale wat haar huwelik geteister het. Haar bittere aantygings van ontrouheid en wreedheid teenoor haar man het in die 1990's baie media-aandag geniet. Baie biografieë, tydskrifartikels en TV-drama's het gevolg.

Sedert haar verlowing aan prins Charles in 1981 tot met haar dood in 'n motorongeluk in 1997, was prinses Diana waarskynlik die beroemdste vrou in die wêreld. Sy was 'n mode-ikoon, 'n ideale voorbeeld van vroulike skoonheid, bewonder en nageboots vir haar hoëprofiel-betrokkenheid by vigs-aangeleenthede. In haar finale jaar was sy ook baie betrokke by die Internasionale beweging teen landmyne, 'n poging wat gelei het tot 'n Nobelprys vir Vrede in 1997, na haar dood[3].

Gedurende haar leeftyd is gereeld na haar verwys as die mees gefotografeerde persoon ter wêreld. Vir haar bewonderaars was Diana 'n rolmodel en na haar dood was daar selfs oproepe om haar te verhef tot sint Diana. Ander verwys egter na haar lewe as 'n waarskuwing dat 'n obsessie met roem en publisiteit 'n mens uiteindelik sal vernietig.

Verwysings[wysig]

  1. As 'n koninklike, het Diana geen van gehad nie, maar, indien een gebruik was, was dit Mountbatten-Windsor
  2. Prins Harry se offisiële webruimte, Princeofwales.gov.uk, 11 February 2010, besoek op 3 June 2010
  3. "CNN - The 1997 Nobel Prizes", CNN. URL besoek op 12 March 2010.
Commons
Wikimedia Commons het meer media verwant aan: