Prinses Elisabeth van Hesse-Darmstadt

in Wikipedia, die vrye ensiklopedie
Spring na: navigasie, soek
Groothertogin Elisabeth Fjodorowna
’n Beeld van die betrokke persoonlikheid.
Prinses Elisabeth van Hesse-Darmstadt

Geboortenaam Elisabeth Alexandra Louise Alice
Gebore 1 November 1864
Darmstadt, Hesse, Duitsland
Oorlede 18 Julie 1918
Alapajewsk, USSR
Nasionaliteit Russies
Ouers Lodewyk IV, Groothertog van Hesse
Prinses Alice van die Verenigde Koninkryk
Titel Groothertogin

Groothertogin Elisabeth Fjodorowna van Rusland (Russies: Елизавета Фëдоровна Романова, Elizaweta Fjodorowna Romanowa) of sint Elisabeth Romanowa (1 November 186418 Julie 1918) was ’n Duitse prinses van die Huis van Hesse en die vrou van groothertog Sergei Aleksandrowitsj van Rusland, die vyfde oudste seun van tsaar Aleksander II van Rusland. Sy was die tweede oudste suster van Aleksandra, die laaste Russiese keiserin.

Lewe en dood[wysig]

Sergei en Elisabeth

Elisabeth is op 1 November 1864 gebore as die tweede oudste kind van die groothertog van Hesse en sy vrou, die Britse prinses Alice, dogter van koningin Victoria.

Op 15 Junie 1884 is sy in die Winterpaleis in Sint Petersburg getroud met Sergei Romanof, die seun van haar groottante, en het sy groothertogin Elisabeth Fjodorowna geword. Die egpaar het in die Beloselski-Belozerski-paleis in Sint Petersburg gaan woon en later, nadat haar man aangestel is as goewerneur-generaal van Moskou, het hulle in een van die paleise van die Moskouse Kremlin gewoon.

Sy het bekendheid verwerf in Rusland vanweë haar skoonheid en welsynwerk onder die armes. Nadat rewolusionêre haar man in 1905 met ’n sluipmoordbom vermoor het, het Elisabeth Sergei se moordenaar in die openbaar vergewe en daarna ’n non geword. Sy het die Marfo-Mariinsk-klooster gestig wat die vertraptes van Moskou gehelp het. In 1918 is sy ná die Russiese Rewolusie deur die Bolsjewiste in hegtenis geneem en eindelik saam met ander adellikes in ’n mynskag afgegooi waar hulle dood is. Sy is in 1981 deur die Russies-Ortodokse Kerk buite Rusland tot heilige verklaar en in 1992 deur die Patriargaat van Moskou.

Eksterne bronne[wysig]

Commons-logo.svg
Wikimedia Commons het meer media verwant aan:

Sien ook[wysig]