Projek Fluit
Projek Fluit (later hernoem na die Gekonsolideerde Projek Fluit) is 'n Suid-Afrikaanse spioenasieprogram. In 2006 is 'n ooreenkoms tussen die Suid-Afrikaanse regering en 'n Russiese maatskappy, Mashinostroyenia, aangegaan vir die lewering van 'n Kondor-E spioenasiesatelliet. Die kontrak ter waarde van R1,2-miljard rand (genommer 710/303/060001) is op 19 Mei 2006 onderteken. Die Kondor-E kan na bewering radarbeelde van voorwerpe so klein as motors in die nag deur wolkbedekking waarneem.[1]
Die maatskappy het glo in 2008 ‘n brief van beswaar aan Suid-Afrika gestuur omdat hulle nog geen betaling ontvang het nie. Die destydse Minister van Verdediging, Mosiuoa Lekota, het vermoedelik die kontrak gevries. Sy opvolger, Lindiwe Sisulu het later vasgestel dat die kontrak na die Departement van Wetenskap en Tegnologie onder minister Naledi Pandor oorgeplaas is.[2]
Volgens die Departement van Staatsveiligheid is alle inligting oor die satelliet geklassifiseerd. Daar bestaan tans onsekerheid of die satelliet wel bestaan of nie.[3]
Verwysings[wysig | wysig bron]
- ↑ Scandal of R1.2 billion missing SA satellite, besoek op 9 Februarie 2014
- ↑ Regering moet oop kaarte speel oor Projek Fluit, Radio Pretoria, 20 Januarie 2014
- ↑ Project Flute: DA demands answers for govt's 'R1bn' satellite deal, Mail & Guardian, 19 Januarie 2014
