Luxemburg (provinsie)

in Wikipedia, die vrye ensiklopedie
(Aangestuur vanaf Provinsie Luxemburg)
Spring na: navigasie, soek
Die vlag van die provinsie Luxemburg
Ligging van die provinsie Luxemburg
Die wapen van die provinsie Luxemburg
Sig op Villance

Luxemburg (Frans: Luxembourg, Duits: Luxemburg, Nederlands: Luxemburg, Wallonies: Lussimbork, Luxemburgs: Lëtzebuerg) is 'n Belgiese provinsie in Wallonië. Die provinsie tel sowat 269 000 inwoners (2010), het 'n oppervlakte van 4 440 km² en 'n bevolkingsdigtheid van 61 inwoners per km². Die hoofstad is Aarlen (Arlon/Arel).

Luxemburg lê in die suidooste van België en grens in die ooste aan die Groothertogdom Luxemburg en in die suide aan die Franse geweste Lotaringe en (vir 'n stukkie) Champagne-Ardenne. In Luxemburg word Frans en Wallonies[1] gepraat, behalwe in die suidooste teen die grens met die Groothertogdom Luxemburg waar daar ook Luxemburgs gepraat word, die Arelerland. In die suide teen die grens met Lotaringe word naas Frans ook Gaumais gepraat.[2]

Luxemburg lê grotendeels in die Ardenne, behalwe die uiterste noordweste wat in die Famenne en die Condroz lê en die uiterste suide wat Belgies Lotaringe of die Gaume genoem word. Deur die suider deel van die provinsie vloei die Semoisrivier en deur die noorder deel die Ourtherivier. Die Baraque de Fraiture in die munisipaliteit Vielsalm is met 652 meter die hoogste heuwel in Luxemburg en die op twee na hoogste van België.[3]

Administratiewe arrondissemente[wysig]

Luxemburg is in administratiewe opsig in vyf arrondissemente verdeel:

Verwysings[wysig]

  1. Wallonies word nog tot 'n mindere mate gepraat.
  2. Gaumais is 'n variant van Lorreins.
  3. Die hoogste heuwels van België is die Signal van Botrange (694 meter) en die Weißer Stein (693 meter) in die provinsie Luik.

Eksterne skakels[wysig]

Commons-logo.svg
Wikimedia Commons het meer media verwant aan:


Provinsies, geweste en gemeenskappe van België Flag of Belgium.svg

Flag Belgium brussels.svg Brusselse Hoofstedelike Gewes
Flag of Flanders.svg Vlaamse Gewes: Antwerpen | Limburg | Oos-Vlaandere | Vlaams-Brabant | Wes-Vlaandere
Flag of Wallonia.svg Waalse Gewes: Brabant wallon (Waals-Brabant) | Hainaut (Henegouwen) | Liège/Lüttich (Luik) | Luxembourg (Luxemburg) | Namur (Namen)
Flag of Flanders.svg Vlaamse Gemeenskap | Flag of Wallonia.svg Franse Gemeenskap | Dgbelgiens.svg Duitstalige Gemeenskap