Puerto Ricaanse Onafhanklikheidsparty
| Partido Independentista Puertorriqueño | |
|---|---|
| PIP | |
 |
|
| Leier | Ruben Berrios (Erepresident - Die Sosialistiese Internasionaal |
| Amptelike kleure | {{{kleure}}} |
| Gestig | 20 Oktober 1946 |
| Hoofkwartiere | 963 Ave. Roosevelt San Juan Puerto Rico 00920-2901 |
| Politieke Ideologie | Nasionalisties, Soewereinisties en Sosiaal-Demokraties |
| Internasionale Affiliasie | Die Sosialistiese Internasionaal |
| Webwerf | www.independencia.net/ingles/welcome.html |
Die Puerto Ricaanse Onafhanklikheidsparty (Spaans: Partido Independentista Puertorriqueño of PIP) is 'n politieke party wat vir Puerto Rico se onafhanklikheid van die VSA strewe[1]. Dit is een van die drie groot politieke partye in die land en ook die tweede oudste[2] [3].
Die huidige leier is Rubén Berríos Martínez.
Inhoud |
[wysig] Geskiedenis
Die party is begin as die verkiesingsvleuel van die Puerto Ricaanse Pro-onafhanklikheidsbeweging. Dit is die grootste van die onafhanklike partye en die enigste een wat op die stembrief verskyn gedurende verkiesings (ander kandidate moet per hand bygevoeg word).
[wysig] Stigting
Die party is gestig op 20 Oktober 1946 deur Gilberto Concepción de Gracia (oorlede in 1968). Hy was oortuig dat die onafhanklikheidsbeweging "verraai" is deur die Partido Popular Democrático, waarvan die oorspronklike doel onafhanklikheid was.
[wysig] FBI
Die VSA se Federal Bureau of Investigation (FBI) se gebruik om enige persoon of organisasie dop te hou wat Puerto Rico se onafhanklikheid voorstaan, is deur die FBI se topleierskap erken[4]. Dit word genoem in 1,8 miljoen dokumente, waarvan net 'n klein deel in 2000 uitgereik is[5][6].
Die destydse direkteur van die FBI, Louis Freeh, het in 'n ongekende stap erken in watter mate die FBI van die 1930's tot die 1990's aan onwettige, en moontlik misdadige, aksies deelgeneem het en dat hulle dalk daardeur die grondwetlike regte van die Puerto Ricane geskend het[7].
[wysig] Party se vlag en simbool
Vir die PIP dui die vlag se groen kleur op hoop vir die verwerwing van vryheid, en die wit kruis op die party se opofferings vir en toewyding aan demokrasie.
"Noorse Kruis"-vlae, of "Latynse Kruis"-vlae is 'n algemene ontwerp in die Skandinawiese lande en ander dele van die wêreld, en in teorie behoort die PIP se embleem tot hierdie groep vlae. Die PIP se vlag is gebaseer op die eerste nasionale vlag wat ooit deur Puerto Ricane gebruik is, en is ook die huidige vlag van die munisipaliteit van Lares. Lares is waar die eerste relatiewe suksesvolle poging van rewolusionêre inval in Puerto Rico, die Grito de Lares, plaasgevind het op Woensdag 23 September 1868. Die Lares-vlag is ook soortgelyk aan die vlag van die Dominikaanse Republiek, aangesien die Grito se meesterbrein, Ramon Emeterio Betances, nie net die Dominikaanse pro-onafhanklikheidstryd bewonder het nie, maar ook 'n afstammeling was van Dominikane. Die nasionalistiese oproer was die fondament vir ander oproere wat gevolg het, insluitend die Grito de Yara in Kuba en die 1 Maart-beweging (3•1 운동) op 1 Maart 1919 in Korea.
[wysig] Eksterne skakels
- www.independencia.net/ingles/welcome.html - Amptelike webwerf van die PIP
[wysig] Bronne
- ^ Berrios-Martinez, Ruben; “Puerto rico—Lithuania in Reverse?”; The Washington Post, Pg. A23; May 23, 1990.
- ^ The New York Times; Mar 18, 1949, pg. 13.
- ^ Puerto Rico State Electoral Commission (CEE)
- ^ El Diario La Prensa; Editorial: "Constructing an Enemy"; 17 Januarie 2008
- ^ FBI Files on the Puerto Rican Independence Party - case # SJ-100-4014 - Center for Puerto Rican Studies, Hunter College, City University of New York (CUNY)
- ^ FBI Files on Organizations: Formerly secret, classifed files produced by the Federal Bureau of Investigation (FBI) from the 1930s to the 1990s documenting FBI surveillance and persecution activities targeting Puerto Rican organizations and individuals; CUNY.
- ^ El Diario La Prensa; Editorial: "Constructing an Enemy"; 17 Januarie 2008
| Hierdie artikel is in sy geheel of gedeeltelik vanuit die Engelse Wikipedia vertaal. |
