Pukekohe
Pukekohe is 'n dorp in die Franklin-distrik van die Noord-Eiland van Nieu-Seeland. Dit het 'n bevolking van 24 500 mense in Junie 2008 gehad. Pukekohe is 50 kilometer suid van Auckland geleë, en is die grootste dorp in Franklin. Die Māori-woord "pukekohe" beteken "heuwel van die kohekohe" ('n mahoniesoort). Daar is 'n groot Suid-Afrikaanse gemeenskap in Pukekohe.
Die vrugbare vulkaniese grond en warm vogtige klimaat ondersteun 'n groot tuinbou- en melkboerderybedrywe. Die Pukekohe "long keeper" ui is ook internasionaal bekend.
Pukekohe is langs die Noord-Eiland se "Main Trunk Railway" en is die mees suidelike stasie van die Auckland voorstedelike spoorweg-netwerk, aan die einde van die Oos- en Suider-lyne. Daaglikse dienste word deur die Silver Fern spoor gelewer.
Pukekohe sal in die Auckland Super City ingesluit word.
