Quintin Ellis
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
|
Hierdie artikel bevat nie ’n bronnelys nie, wat beteken dat die inhoud nie geverifieer kan word nie. Enige bevraagtekende inligting mag dus ook mettertyd verwyder word. Help Wikipedia deur betroubare bronne tot die artikel by te voeg. |
Quintin Ellis ook bekend as Adam Weilbach (gebore 8 September 1968) is 'n Suid-Afrikaanse fantasieskrywer, model en akteur. Sy werke het 'n sterk geestelike inslag en val onder die Christelike-fantasie sub-genre van fantasie.Hy is egter 'n selferkende ateïs.
Agtergrond en opvoeding[wysig | wysig bron]
Quintin Ellis is op 8 September 1968 gebore in Springs, Suid-Afrika. Hy is die tweede van drie kinders. Alhoewel hy gediagnoseer is met disleksie en volgens die kundiges nie verby Graad 5 sou vorder nie, het hy op vyfjarige ouderdom begin om romans te lees. Hy was weens sy studieprobleme oorgeplaas na 'n skool vir Serebraal Gestremdes. Hier het hulle ontdek dat hy 'n baie skrander kind was, met 'n groot passie vir lees. Hy het boeke verslind. Daar is bevind dat Ellis minimale breindisfunksies het, en verswakte hand-oog koördinasie, wat hom verhoed om enigsins 'n motorvoertuig te bestuur.
Sy ouers besit ’n volledige stel van Langenhoven se versamelde werke wat hy opgelees het. Brolloks en Bittergal is een van sy gunsteling verhale, en wat waarskynlik 'n groot invloed het op sy liefde vir die fantasie gehad het. Hy het ook begin om verskeie Amerikaanse en Europese skrywers se werke te lees.
Op ouderdom 13 het hy begin prosa en poësie skryf. Sy taalonderwysers het hom aangemoedig om sy skryfkuns te ontwikkel.
In Graad 10 ontvang hy Breyten Breytenbach se digbundel Yk. Dit het sy het passie vir Afrikaanse literatuur en sy skryfstyl aangewakker. Hy het begin om die boeke van die sestigers te lees en hulle simboliese voorstellings aan te leer. Ten spyte van sy eng Afrikaanse opvoeding het hy altyd alternatiewe tendense in Afrikaans aangehang. Hy het al die Sestigers se werke begin lees en hulle skryfstyl begin naboots.
Na skool het hy rondgeval tussen die nagklubs en onderwêreld van Gauteng tot hy 2001 tot bekering gekom het. Daarna het hy as sendeling en filantroop vrywillige diens gelewer by verskeie organisasies tot in 2012. Vandat hy probeer selfmoord pleeg het in 1988 het hy 'n voortdurende stryd gevoer met depressie wat hom drie huwelike gekos het. Ten spyte van sy siekte het hy steeds voortgegaan om te skryf.
Die konsep vir sy eerste boek Die Oplossing: Valhalla het reeds in 1996 ontstaan, maar het eers in 2012 tot wording gekom. Daarna het hy die opvolg Die Oplossing Die Pelgrim geskryf. Hy het saam met 'n vriendin begin om Phantastes deur George MacDonald[1] te vertaal en het dit in November 2013 voltooi.
Sy werk is uniek in die sin dat dit die eerste fantasie verhale vir volwassenes in Afrikaans is. Hy doen ook baanbrekers deur die eerste Afrikaanse skrywer te wees wat 'n plaaslike musiekgroep se werk gebruik het as agtergrond vir sy boeke.
"Dit was moeilik om 'n lied wat geskryf was vir die een en twintigste eeu te gebruik om my verhaal mee oor te vertel. Jack Hammer en Piet Botha is ook baanbrekers in die Afrikaanse Rock-genre. The Pilgrim se lirieke het elkeen 'n verhaal om te vertel. Dit was vir my 'n groot eer om vir hulle my verhaal te vertel met gebruik van hulle musiek." - Ellis wat praat oor die album The Pilgrim[2] wat die agtergrond is vir sy tweede boek Die Oplossing Die Pelgrim.
Die Oplossing Valhalla se voorblad was geskilder deur Braam Coetsee. Die Oplossing Die Pelgrim was geskilder deur Pieter van Tonder.[3]
Werk[wysig | wysig bron]
Ellis is 'n voltydse skrywer en is tans woonagtig in Kaapstad.
Skryfwerk[wysig | wysig bron]
Ellis se eerste roman getiteld Die Oplossing: Valhalla[4] het in Februarie 2013 verskyn en die opvolg daarvan Die Oplossing: Die Pelgrim [1] Geargiveer 19 Desember 2013 op Wayback Machine verskyn in dieselfde jaar. In 'n poging om 'n goeie fondasie vir Afrikaanse fantasie te skep het hy in medewerking met Louise Eijbers, Phantestes deur George MacDonald ook vertaal in Afrikaans. Phantases word deur die kenners gereken as die eerste Fantasie verhaal vir volwassenes.
Verwysings[wysig | wysig bron]
- ↑ Wikipedia en:George MacDonald
- ↑ jackhammer.co.za
- ↑ pietervantonder.co.za
- ↑ "afrifiksie.com". Geargiveer vanaf die oorspronklike op 19 Desember 2013. Besoek op 1 Desember 2013.
Eksterne skakels[wysig | wysig bron]
- Onderhoud met Quintin Ellis op afrifiksie.com Geargiveer 9 September 2013 op Wayback Machine
