Röyksopp

in Wikipedia, die vrye ensiklopedie
Spring na: navigasie, soek
Röyksopp
Royksopp in performance (Fuji Rock Festival, Naeba, Niigata, Japan - summer of 2005).jpg
Röyksopp tydens 'n direkte optrede.
Oorsprong Tromsø (Noorweë)
Genre(s) Elektroniese trip-hop
Aktiewe jare 1998 — hede
Uitgewer(s) Astralwerks, Wall of Sound
Webwerf www.royksopp.com
Lede Torbjørn Brundtland
Svein Berge
Assosiasies Frost, Kings of Convenience, Those Norwegians, Bergen Wave
Portal.svg Musiekportaal

Röyksopp (IFA: ['ɾøʏkˌsɔp:]), soms verkeerdelik as Røyksopp geskryf, is 'n elektroniese musiekduo vanuit Bergen (Noorweë) wat uit Torbjørn Brundtland en Svein Berge bestaan. Die groep het in 1998 tot stand gekom en het hul debuutalbum Melody A.M. onder die etiket van Wall of Sound in 2001 uitgegee. Die groep se naam is Noors vir "rook" (röyk) en "sampioen" (sopp), dus letterlik "rooksampioen", en dit verwys na die sampioensoort.

Röyksopp se styl word beskryf as van 'n hakige elektroniese aard met opgekerfde en verwronge baslyne en sintetiese onderlae, wat 'n klank meebring eenders aan dié van die Franse musiekduo Justice, maar wat sagter en rustiger is en hom dikwels aan die downtempo-genre leen. Snitte met vinnger tempo word egter nie uitgesluit nie, en word gewoonlik met 'n electro-house-styl vervaardig. Röyksopp is veral ook bekend vir hul samewerking met verskillende vroulike gaskunstenaresse. Treffers soos "Only This Moment" en "Circuit Breaker", met Kate Havnevik, en "What Else is There?" met Karin Dreijer-Andersson (van The Knife en Fever Ray), is voorbeelde van die sukses wat Röyksopp met hierdie styl bereik het.

The Understanding (2005)[wysig]

The Understanding is Röyksopp se tweede vollengteateljeealbum en is in 2005 vrygestel. Op die meeste snitte van hierdie album verskaf die manlike groepslede Torbjørn Brundtland en Svein Berge die stemelement, behalwe vir die snitte "What Else is There?" met Karin Dreijer-Andersson, "Only This Moment" en "Circuit Baker" met Kate Havnevik, en "49 Percent" met Chelonis R. Jones.[1]

Junior (2009)[wysig]

Röyksopp se derde vollengteateljeealbum Junior is op 24 Maart 2009 deur die platemaatskappy Astralwerks Records uitgereik. Svein Berge en Torbjørn het die elf snitte op die album gekomponeer, uitgevoer en vervaardig. Vroulike gaskunstenaars is weer eens op hierdie album gebruik, met Sweedse kunstenaresse Robyn Lykke Li en Karin Dreijer-Andersson, asook mede-Noorweër Anneli Drecker, wat ook op Röyksopp se debuut, Melody A.M., verskyn het.

Diskografie[wysig]

  • The Travellers’ Dream (as Aedena Cycle, 1995)
  • Melody A.M. (2001)
  • The Understanding (2005)
  • Junior (2009)
  • Senior (2010)
  • Late Night Tales: Röyksopp (2013)

Eksterne skakels[wysig]

Verwysings[wysig]