RNS

in Wikipedia, die vrye ensiklopedie
Spring na: navigasie, soek
'n Haarnaaldstring van 'n pre-mRNS. Die nukleotiedbasis (groen) en die ribose-fosfaat ruggraat (blou) is aangedui. Neem kennis dat hierdie 'n enkelstring-RNS is wat op ditself terugvou.

Ribonukleïnesuur oftewel RNS is saam met DNS die draer van erflike inligting in alle bekende organismes. RNS bestaan uit nukleïnesuur en vorm saam met proteïne die makromolekules noodsaaklik vir alle bekende vorms van lewe.

'n RNS-molekuul bestaan uit lang enkelstringe nukleotides, wat saam tot 'n dubbele heliks buig. Die twee stringe is aanmekaar verbind deur sogenaamde basispare. 'n Basispaar verbind twee nukleotides wat teenoor mekaar lê. Die volgorde van nukleotides in 'n string word 'n sekwensie genoem. Omdat daar in prinsiep oneindig baie sekwensies moontlik is, kan die volgorde van nukleotides unieke erflike inligting verskaf.

In organismes word die DNS binne-in 'n sel in die vorm van chromosome aangetref. Chromosome kan miljoene basispare bevat. Deur middel van DNS-replisering word die DNS in 'n chromosoom gekopieer. Hierdie kopiëring word gevolg deur selverdeling. Sodoende kry elke sel 'n kopie van die DNS en kan daar deur voortplanting DNS deurgegee word aan die nageslag.

Vergelyking met DNS[wysig]

Drie-dimensionele voorstelling van die 50S-ribosomale subeenheid. RNS in bruin, proteïen in blou. Die aktiewe posisie is in die middel (rooi).

Die chemiese struktuur van RNS en DNS is soortgelyk, behalwe vir 'n paar uitsonderings:

  • RNS bevat die suiker ribose, maar DNS bevat die effens anderse suiker deoksiribose ('n tipe ribose wat een suurstofatoom armer is),
  • RNS besit die nukleobasis urasiel waar DNS timien bevat. Anders as DNS, is meeste RNS-molekules enkelstringe nukleotides en kan dit baie ingewikkelde drie-dimensionele strukture vorm.
Hierdie artikel is in sy geheel of gedeeltelik vanuit die Engelse Wikipedia vertaal.