RT
| RT | |
|---|---|
 |
|
| Ontvangs | Satelliet, kabel, IPTV |
| Eienaar | ANO TV-Novosti |
| Hoofkwartier | Moskou,  Rusland |
| Skermformaat | 4:3 (576i, SDTV) |
| Ontvangsgebied | Wêreldwyd |
| Webwerf | rt.com |
RT, voorheen bekend as Russia Today, is 'n wêreldwye Russiese televisienetwerk wat sy hoofkwartier in Moskou het en programme vir internasionale gehore in Engels, Spaans en Arabies uitsaai.
RT word deur die Russiese staat befonds en dek gebeure op Russiese en internasionale vlak vanuit 'n Russiese perspektief. Daarnaas bied die kanaal ook kort dokumentêre programme en 'n daaglikse geselsprogram, Spotlight with Al Gurnov, aan. RT, wat net soos sy Westerse eweknieë CNN, BBC, France24 en NHK World asook die Sjinese CCTV-4 in oorsese lande per satelliet, kabeltelevisie of op die internet ontvang kan word, was die eerste volledig digitale televisienetwerk in Rusland.
RT, wat teen 'n koste van 30 miljoen VSA-$ gestig is, het op 15 September 2005 begin uitsaai. Sedertdien saai die netwerk, wat sowat 500 Russiese en nie-Russiese medewerkers en kantore met korrespondente in Londen, Washington, DC, Parys, Kaïro en Jerusalem het, sy Engelse program die hele dag uit. Parallele programme in Spaans en Arabies word sedert 2007 aangebied.
