Raphael

in Wikipedia, die vrye ensiklopedie
Spring na: navigasie, soek
Raphael
Selfportret
Selfportret
Doopnaam Raffaello Sanzio
Geboorte 6 April 1483; Urbino, Italië
Afsterwe 6 April 1520; Rome, Italië

Raphael (1483 – 1520) was 'n Italiaanse skilder en argitek tydens die Renaissance. Hy word saam met Michelangelo en Leonardo da Vinci as een van die groot meesters van dié tydperk beskou.

Raphael was uiters produktief: hy het 'n groot werkswinkel bestuur en ten spyte van sy vroeë dood op 37, het hy 'n groot aantal werke agtergelaat. Baie van sy werke kan in die Apostoliese Paleis in die Vatikaan gevind word. Ná sy vroeë jare in Rome is baie van sy werke slegs deur hom ontwerp en dan deur sy werkswinkel uitgevoer wat 'n merkbare verlies in kwaliteit getoon het in vergelyking met sy eie werke. Hy was ook 'n groot invloed in sy eie leeftyd, alhoewel Michelangelo se invloed groter toename gesien het in die 18de en 19de eeue.

Die Skool van Athene word onder een van Raphael se beste werke gereken.