Ray-Ban Aviator
vanuit Wikipedia, die vrye ensiklopedie.
’n Aviator-sonbril is ’n traandruppelvormige tipe sonbrilstyl wat deur Bausch & Lomb ontwikkel en onder die Ray-Ban handelsnaam verkoop is. Dit word gekenmerk deur die donker, dikwels weerkaatsende lense met ’n oppervlak wat twee tot drie keer die grootte van ’n oogkas is. Die groot lense is nie gelyk nie, maar ietwat bolrondig. Die ontwerp het ten doel om die ooggebied te bedek en om soveel lig vanuit enige hoek moontlik te keer om die oog binne te dring.
