Reformiste Party
vanuit Wikipedia, die vrye ensiklopedie.
Die Reformiste Party was 'n Suid-Afrikaanse politieke party wat net vyf maande lank in 1975 bestaan het.
Weens geskille binne die Verenigde Party breek vier Volksraadslede onder leiding van Harry Schwarz tydens die parlementsitting van 1975 weg en stig die Reformiste Party op 11 Februarie 1975. Die party was 'n voorstander van die verwydering van alle rassediskriminerende praktyke, regerings- en grondwetlike verandering net deur middel van die demokratiese proses en die handhawing van maatskaplike en ekonomiese geregtigheid.
Die party het op 25 Julie 1975 met die Progressiewe Party saamgesmelt onder leiding van Colin Eglin en so ontstaan die Progressiewe Reformiste Party.
