Rhodesië
- Hierdie artikel handel oor die land Rhodesië, wat vandag as Zimbabwe bekend staan. Vir die dorp in Engeland, sien Rhodesia, Nottinghamshire.
|
|||||
|
|||||
| Leuse: Sit Nomine Digna (Latyns: "May she be worthy of the name") |
|||||
| Volkslied: Rise O Voices of Rhodesia (1974 tot 1979) | |||||
.svg) |
|||||
| Hoofstad | Salisbury | ||||
| Taal/Tale | Engels | ||||
| Regering | Monargie | ||||
| Koning President |
Elizabeth II (1965-1970) | ||||
| Clifford Dupont (1970-1975) | |||||
| John Wrathall (1975-1979) | |||||
| Historiese tydperk | Koue Oorlog | ||||
| - Stigting | 11 November 1965 | ||||
| - Onafhanklikheid | 1 Junie 1979 | ||||
| Oppervlakte | |||||
| - 1978 | 390 580 km2 150 804 sq mi |
||||
| Bevolking | |||||
| - 1978 skatting | 6 930 000 | ||||
| Digtheid | 17,7 /km² 46 /sq mi |
||||
| Geldeenheid | Britse pond (1965-1970) Amerikaanse dollar (1970-1979) |
||||
.svg){kind=small}
Rhodesië (Engels: Rhodesia, amptelik Republiek van Rhodesië, Engels: Republic of Rhodesia; vernoem na Cecil Rhodes) is die vorige naam van 'n Britse kolonie in Afrika wat deur 'n klein wit minderheid regeer is. Met die beëindiging van die wit minderheidsregering, het die kolonie amptelik onafhanklikheid verkry van Brittanje en staan bekend as Zimbabwe. Gedurende 'n vroeëre tydperk is die naam "Rhodesië" gebruik om te verwys na 'n groter area wat beide Zimbabwe (Suid-Rhodesië) en Zambië (Noord-Rhodesië) insluit.
In 1953, met die moontlikheid van onafhanklikheid van Afrikastate, het die Verenigde Koninkryk toestemming verleen aan die stigting van die Sentraal-Afrikaanse Federasie (ook bekend as die Federasie van Rhodesië en Njassaland), wat bestaan uit die huidige lande Zimbabwe, Zambië en Malawi wat vroeër bekend gestaan het as Suid-Rhodesië, Noord-Rhodesië en Njassaland. Die federasie het op 1 Oktober 1953 ontstaan met sy hoofstad in Salisbury ná 'n referendum in Suid-Rhodesië die plan goedgekeur het en Brittanje namens die twee ander gebiede daartoe ingewillig het. Dit het op 31 Desember 1963 ontbind, waarna die twee noordelike gebiede die volgende jaar onafhanklik geword het en Rhodesië hom in 1965 eensydig onafhanklik verklaar het, die sogenaamde UDI.
