Riaad

in Wikipedia, die vrye ensiklopedie

Riaad
الرياض

Kaart Wapen
Vlag
 Land Vlag van Saoedi-Arabië Saoedi-Arabië
 Provinsie Riaad
 Koördinate 24°42′42″N 46°43′27″O / 24.71167°N 46.72417°O / 24.71167; 46.72417
 Stigting 1590?
 Oppervlakte:  
 - Totaal 3 115 vk km[1]
 Hoogte bo seevlak 612 m
 Bevolking:  
 - Totaal (2013) 5 700 000[1]
 - Bevolkingsdigtheid 2 379/vk km[1]
 Tydsone UTC +3
 Burgemeester Ibraheem Mohammed
Al-Sultan[2]
 Amptelike webwerf arriyadh.com

Riaad (Arabies: الرياض, ar-Riyāḍ, [er.rɪˈjɑːðˤ], letterlik: "die tuine") is die hoofstad en grootste stad van Saoedi-Arabië met 'n bevolking van 7 600 000 en 'n oppervlakte van 3 115 km². Sowat 61% van die bevolking is Saoedi-Arabiese burgers. Die stad is in die middel van die an-Nafud-woestyn, op die oostelike deel van die Najd-plato, geleë op gemiddeld 600 meter bo seespieël[3] en ontvang jaarliks ongeveer 5 miljoen toeriste. Dit is die nege-en-veertigste meesbesoekte stad ter wêreld en die 6de in die Midde-Ooste. Riaad het die derde meeste mense in die Midde-Ooste en die 38ste digsbevolkte stad in Asië.[4] Daar woon ook werkers van Arabiese lande soos Jemen, Egipte, Soedan, Libanon en Sirië, asook van Europa, Noord-Amerika, Suid-Afrika, Rusland, Australië, Nieu-Seeland, die Volksrepubliek China, Bangladesj, Indië, Pakistan, Indonesië en die Filippyne.[1]

Geskiedenis[wysig | wysig bron]

Die eerste vermelding van die stad met die naam Riaad was in 1590 deur 'n vroeë Arabiese kroniekskrywer.[5] In 1737 vestig Deham Ibn Dawwas, van die naburige Manfuha, hom daar en neem beheer oor die stad. Deham het 'n muur rondom die stad gebou, en die bekendste bron van die naam Riaad is uit hierdie tydperk, wat vermoedelik verwys na die vroeëre oase-dorpe wat voorafgegaan het aan die muur wat deur Deham Ibn Dawwas gebou is.[6] In 1744 het Muhammad ibn 'Abd al-Wahhab 'n alliansie gevorm met die Emir van Dir'iyah, Muhammad bin Saud, en in 1774 het hulle Riaad van Deham ingeneem. Hulle staat, nou bekend as die Eerste Saoedi-staat, het egter in 1818 ineengestort. Turki ibn Abdullah het die Tweede Saoedi-staat in die vroeë 19de eeu gestig en Riaad in 1825 tot sy hoofstad gemaak. Sy regering oor die stad is egter ontwrig deur 'n gesamentlike Ottomaanse – Rashidi-alliansie. Uiteindelik, in die vroeë 20ste eeu, het Abdoel Aziz al-Saoed, wat in die weste net as Ibn Saoed bekend staan, in 1902 sy voorvaderlike koninkryk Najd opgespoor en sy bewind teen 1926 gekonsolideer met die finale Saoediese verowering van Hejaz.[7] Hierna noem hy sy koninkryk Saoedi-Arabië in September 1932 [7] met Riaad as hoofstad. [8]

Samestelling en funksie[wysig | wysig bron]

Riaad is die ekonomiese, administratiewe en kulturele sentrum van die land en dien sedert Saoedi-Arabië se onafhanklikheid in 1932 as hoofstad. Die raadgewende vergadering (ook bekend as die Shura- of Shura-raad), die Ministerraad van Saoedi-Arabië, die koning en die hoogste regterlike raad van Saoedi-Arabië is almal in die stad. Naas hierdie vier liggame wat die kern vorm van die regeringstelsel van Saoedi-Arabië, is die hoofkwartier van ander groot en kleiner regeringsliggame ook in Riaad geleë.[9] Die stad huisves 112 buitelandse ambassades, waarvan die meeste in die as-Safarat-distrik of die diplomatieke wyk (Arabies: حي السفارات, geromaniseer: Hayy as-Safarat, letterlik Distrik van Ambassades) in die westelike dele van die stad geleë is.

Die stad is verdeel in 15 munisipale distrikte, wat onder toesig is van die munisipaliteit van Riaad (Arabies: أمانة الرياض, geromaniseer: Amanat ar-Riyad, letterlik 'Protektoraat van Riaad') onder leiding van die burgemeester; en die Koninklike Kommissie vir Riaad, onder voorsitterskap van die goewerneur van die provinsie, Faisal bin Bandar Al Saud. Met ingang van Julie 2020 is die burgemeester Faisal bin Abdulaziz bin Mohammed bin Ayyaf Al-Muqrin.[10] Die grootste deel van die bevolking van die Riaad-provinsie is rondom Riaad gekonsentreerd, aangesien die res van die provinsie meestal woestyn is, met min, klein stede wat verbind word deur klein twee- tot vier-baanpaaie, soos Wadi ad-Dawasir.

Ekonomie[wysig | wysig bron]

Riaad het ook 'n groot ekonomiese belang omdat hy die hoofkwartier van baie banke en groot ondernemings, soos die National Commercial Bank (NCB), Alinma Bank en die Saoedi-Arabiese Britse Bank (SABB), huisves. Snelweg 65, wat plaaslik bekend staan as die Koning Fahd-weg, loop deur van hierdie belangrike sentrums in die stad, waaronder die Koning Abdullah Finansiële Distrik, een van die grootste finansiële distrikte ter wêreld, die Faisaliyah Sentrum en die Kingdom Centre. Riaad is een van die wêreld se snelsgroeiende bevolkingstede en is die tuiste van baie buitelanders. Riaad is reeds aangewys as 'n wêreldstad.[11]

Sport[wysig | wysig bron]

Die Koning Fahd-beker in 1992 en 1995 en die FIFA Sokker-Konfederasiebeker in 1997 is onder andere in Riaad se Koning Fahd II-stadion aangebied.

Verwysings[wysig | wysig bron]

  1. 1,0 1,1 1,2 1,3 (en) "www.arriyadh.com: Riyadh in the year 1434 Hijri (2013)". Geargiveer vanaf die oorspronklike op 6 Desember 2018. Besoek op 29 Mei 2016.
  2. (en) "www.zoominfo.com". Geargiveer vanaf die oorspronklike op 7 Januarie 2016. Besoek op 29 Mei 2016.
  3. (en) "Geographic Location of Riyadh". Riyadh Development Authority. 8 Desember 2018. Besoek op 24 Mei 2019.
  4. (ar) "هيئة تطوير مدينة الرياض توافق على طلبات مطورين لإنشاء 4 مشاريع سياحية وترفيهية". 4 April 2019. Geargiveer vanaf die oorspronklike op 4 April 2019. Besoek op 24 Mei 2019.
  5. Cybriwsky 2013, p. 258.
  6. Al-Oteibi 1993, p. 163.
  7. 7,0 7,1 Farsy 1990, p. 15.
  8. Facey 1992, p. 271.
  9. (en) Moon, Carol. "LibGuides: A Guide to Saudi Arabia Politics: 1.Government of Saudi Arabia". slulibrary.saintleo.edu. Besoek op 25 Julie 2020.
  10. (en) "Prince Faisal bin Abdulaziz appointed as Riyadh mayor by royal decree". Arab News. 26 November 2019. Besoek op 25 Julie 2020.
  11. (en) "The World According to GaWC 2016".

Bibliografie[wysig | wysig bron]

Eksterne skakels[wysig | wysig bron]