Richemont

Compagnie Financière Richemont SA
Tipe	Aandelemaatskappy
Gestig	1988
Hoofkantoor	Bellevue, Switserland
Sleutelpersone	Johann Rupert, uitvoerende voorsitter
Gebied bedien	Wêreldwyd
Industrie	Bestuur
Dienste	Bestuur, Logistieke
Inkomste	€10,150 miljard (2013) €8,868 miljard (2012)
Bedryfsinkomste	€2,426 miljard (2013) €2,048 miljard (2012)
Netto inkomste	€2,005 miljard (2013) €1,540 miljard (2012)
Werknemers	27 666 (2013) 24 595 (2012)
Moedermaatskappy	Compagnie Financière Rupert (9,1%) Public Investment Corporation Limited, South Africa (3,13%)
Divisies	Jewellery Maisons Specialist Watchmakers Montblanc Maison Ander besighede
Webwerf	richemont.com

Richemont-depositobewyse 2015-01-11
Historiese sluitingsprys
Uitgereik	5 220 000 000
Sluitingsprys	ZAR 101,53
Beurswaarde	ZAR 530 miljard
Aandeelhouers
Compagnie Financiere Rupert	9.10%
Openbare Beleggingskorporasie	3.13%
Lys van effekte wat op die JSE verhandel

Compagnie Financière Richemont SA is 'n Switserse moedermaatskappy wat in 1988 deur die Suid-Afrikaanse sakeman Johann Rupert gestig is. Die maatskappy, wat sy hoofkwartier in Bellevue in die Wes-Switserse kanton Genève het, besit verskeie luukse-produkte-maatskappye en -handelsmerke, waaronder A. Lange & Söhne, Azzedine Alaïa, Baume & Mercier, Cartier, Chloé, Dunhill, IWC Schaffhausen, Giampiero Bodino, Jaeger-LeCoultre, Lancel, Montblanc, Officine Panerai, Piaget, Peter Millar, Purdey, Roger Dubuis, Vacheron Constantin, en Van Cleef & Arpels. Deur middel van hierdie dogtermaatskappye ontwerp, produseer, versprei, en verkoop Richemont juwele, horlosies, leerprodukte, skryfinstrumente, wapens, klere, en bykomstighede. Dit is die tweede grootste onderneming in dié bedryf na die Franse LVMH. Richemont word openbaar onder die simbool CFR op die Switserse aandelebeurs (SIX) en op die JSE in Suid-Afrika verhandel.

In November 2012 was Richemont volgens beurswaarde die sesde grootste maatskappy op die SIX.

Eksterne skakels

• Amptelike webwerf (en)