Riku Lätti
| Riku Lätti | ||
|---|---|---|
| Geboorte | 11 Junie 1973 Suid-Afrika |
|
| Beroep(e) | sanger liedskrywer |
|
| Webwerf | www.riku.co.za (RSA) www.rikulatti.eu (NL) |
|
 Musiekportaal |
||
Riku Lätti (gebore 11 Junie 1973), is bekende Suid-Afrikaanse sanger en liedjieskrywer.
Riku matrikuleer in 1991 te Hoërskool Florida, Johannesburg. Daarna sit hy studies voort by die Universiteit van die Witwatersrand, waar hy 'n honneursgraad in filosofie behaal.
Riku het al met van Suid-Afrika se supersterre, soos Steve Hofmeyr, Laurika Rauch en Paul Riekert gewerk. Kunstenaars soos Karla du Plessis, Theuns Jordaan, Laurika Rauch, Jakkie Louw, The Pheobes en Tsunami het al van sy liedjies gesing en opgeneem.
In 2005 maak hy sy deurbraak in die internasionale musiekmark met sy eerste toer deur België en Nederland. Gedurende 'n opvolgtoer, in 2006 deur Europa, tree hy saam met Stef Bos op. Op 1 Oktober 2007 stel hy sy eerste album in die Benelux vry. Vir die album neem hy van sy beste liedjies in eenvoudiger vorm op, deur alleenlik van sy stem, klavier en kitaar gebruik te maak.
Hy is ook hoof van die Afrikaanse koerant genaamd zimdollar.
Albums [wysig]
- Me and Mr. Sane (1996, saam met musikante Peter Auret, Max Loubscher, Justy Range, Willem Moller en Stefan Ackermann)
- Pleister vir my nerwe (saam met musikante Peter Auret, Max Mikula, Brendan Ou Tim, Bob Biggens en Hendrik Coetzee. Die album het 'n GMT-toekenning vir beste alternatiewe Afrikaanse album ontvang)
- WOKNAKWYF!
- Jean Marais - Nou (Die album was in samewerking met Jean Marais, en met insette van Ewald Cress uitgereik. Die media het die album geloof as "die mees progressiefste Afrikaanse album ooit".)
- Aan't sterre tel (2004, saam met musikante Peter Auret, Jonathan Crossley, Cesare Cassarino en Rory Gaddin. Met die album wen Riku die GMT-toekenning vir beste mansstem.)
- Radio Lava (met Jahn Beukes en Arnaud van Vliet.)
- Akoesties (die album is net in die Benelux vrystel en bevat akoestiese opnames met Riku op klavier en kitaar.)
