Risiko

in Wikipedia, die vrye ensiklopedie
Spring na: navigasie, soek

Risiko is die kans dat 'n gebeurtenis sal plaasvind vermenigvuldig met die gevolg van daardie gebeurtenis en die kans dat 'n bepaalde scenario waar die vroeër genoemde kans sal plaasvind in voorkom (dit staan in teenstelling met die begrip onsekerheid waar die kanse nie bekend is nie). Die gevolge kan positief of negatief wees. Meestal word die begrip egter in die negatiewe sin gebruik. Die risiko is ook die blootstelling vermenigvuldig met die gevolg en die waarskynlikheid. By die laaste gaan dit vernaamlik oor langdurige prosesse en by die eerste definisie gaan dit meer oor skielike gebeurtenisse.

Risiko = Kans x Gevolg x Blootstelling

Beheer van risiko[wysig]

Verskeie maatreëls kan geneem word om risiko's te beheer. Hierdie maatreëls kan een of almal van die elemente van bostaande vergelyking aanspreek. As voorbeeld kan 'n mens die moontlike maatreëls beskou wat geneem kan word dat iemand 'n fles soutsuur kan omgooi:

Beperking van die kans[wysig]

  • Ten eerste sou 'n mens oorweeg of 'n ander middel gebruik sou kon word wat mindere gevolge sou hê of 'n mens kan oorweeg om die fles met 'n soort verpakking te vervang wat minder risiko inhou (wegneem van gevaar)
  • Ten tweede kan daarna gekyk word om die fles in 'n houer te plaas of in 'n kas met 'n slot daaraan. Die beperk van die aantal persone tot die ruimte kan ook oorweeg word asook die verpligte dra van beskermende drag, soos 'n veiligheidsbril en beskermende kleding (afskerm van die gevaar)
  • Derdens kan 'n mens die risiko beperk deur die mense in te lig oor die gevare van soutsuur en die feit dat die fles daar staan. Bowendien kan voorskrifte daargestel word rondom die hantering van soutsuur. (voorligting oor die gevaar en voorskrifte)

Beperking van die gevolge[wysig]

Indien 'n ongeval wel sou voorkom kan die gevolg van die gebeurtenis verminder word deur storte in die omgewing te installeer sodat die soutsuur vinnig afgespoel kan word sodat die skade beperk kan word.

Beperking van blootstelling[wysig]

Die handeling wat lei tot die gebruik van soutsuur kan beperk word. Eksperimente met soutsuur kan gegroepeer word sodat die aksie slegs één keer in 'n groter reeks gedoen word.

Risikoanalise[wysig]

'n Risikoanalise kan uitgevoer word om te bepaal hoe groot die risiko is, welke risiko's verminder kan word en welke risiko's die mees dringendste aandag vereis.

Eksterne skakels[wysig]