Riversdal

Riversdal Riversdale
Riversdal vanaf die N2-hoofweg
Riversdal
Koördinate: 34°5′49″S 21°15′44″O
Land	Suid-Afrika
Provinsie	Wes-Kaap
Distriksmunisipaliteit	Eden
Plaaslike Munisipaliteit	Hessequa
Tydsone	SAST (UTC+2)

Die argitekte Kallenbach en Reynolds het die NG kerkgebou ontwerp. Ds. Johannes Rudolph Albertyn het die hoeksteen op 4 Maart 1908 gelê.

'n Kerk in Riversdal se sogenaamde bruin woonbuurt.

Riversdal (Engels: Riversdale) is 'n dorp in die suidooste van die Wes-Kaap. Die N2 nasionale pad gaan deur die dorp.

Geskiedenis

Die dorp is in 1838 aan die voet van die Langebergreeks gevestig. Die NG gemeente is die volgende jaar afgestig. Die dorp is vernoem na Harry Rivers, destyds die plaaslike landdros en later koloniale sekretaris. Tydens die Tweede Vryheidsoorlog het generaal Christiaan de Wet naby aan die dorp verby beweeg.

NG gemeente

Die NG gemeente Riversdal is die 23e oudste gemeente van die Nederduitse Gereformeerde Kerk in Suid-Afrika. Die gemeente Riversdal-Wes het in 1955 afgestig.

Distrik

Die distrik is 3 945 km² groot en is op boerdery gegrond met koring, wol en aartappels van die belangrikste produkte. Vee- en perdetelery en suiwelprodukte is ook belangrik.

Persone gebore

• Dalene Matthee née Scott, Afrikaanse skryfster.

Sien ook

• Lys van eerste 100 NG gemeentes in Suid-Afrika
• Lys van dorpe in Suid-Afrika
• Spookplekke in Suid-Afrika

Bron

• Op Pad in Suid-Afrika. B.P.J. Erasmus. 1995 ISBN 1-86842-026-4