Robbie Klay

Robbie Klay
Geboorte	20 Junie 1986 Pretoria, Suid-Afrika
Genre(s)	Pop
Webwerf	www.robbieklay.co.za
Musiekportaal

Robbie Klay is 'n Afrikaanse sanger en akteur. Hy sing al van vyfjarige ouderdom af en sy eerste album, Kan 'n man dan nie, is uitgereik toe hy slegs 9 jaar oud was.

Sy debuut as akteur was in die Afrikaanse TV-drama "Amalia", waar hy die rol van Buks van Wyk, Amalia se seun vertolk het. Hy het ook al op verskeie aktualiteitsprogramme soos Kwela, Geraas, Voorblad en KTV verskyn.

Biografie

Robbie Klay is op 20 Junie 1986 in Pretoria, Suid-Afrika gebore. In 2004 voltooi hy 'n drama kursus by die Technikon Pretoria.

Sy buite-egtelike dogtertjie, Jaydhen, is gebore toe hy slegs 15 jaar oud was. Hy het aanvanklik vaderskap van die kind ontken, totdat mediese toetse sy vaderskap bevestig het.

Klay het in 2007 'n saak van seksuele molestering teen medesanger Jurie Els aanhangig gemaak. In sy finale uitspraak het regter Chris Eksteen Klay se getuienis as onvoldoende afgemaak en Els vrygespreek. Regter Eksteen het Klay as 'n "patetiese getuie" bestempel en gesê dat Klay "kleigetrap' het en die hof mislei het deur leuens en halwe waarhede aan die hof voor te hou. In September 2010 het Naledi Uitgewers Jurie Els se outobiografie "Ver van Vrede" uitgegee. Een derde van die boek is aan die hofsaak afgestaan en Els haal direk uit die amptelike hooggeregshofrekord aan.

Diskografie

Sy albums:

• Kan 'n man dan nie (1997)
• My Naam Is Robbie (1998)
• Tokolosh (1999)
• Treffers (1999)
• Ek hou van jou (2000)
• Ra Ta Ta (enkelspeler, 2003)
• Iko iko...net vir jou! (2003)
• Treffers 1997-2003
• Nuwe Dag (2005)
• Hier by my (2006)
• Collections (2007)
• Hier by my...
• Ek is hier... (2009)
• Amazing (2011)

Sien ook

• Suid-Afrikaanse Musikante

Eksterne skakels

• Amptelike webwerf (en)
• Doen dit vir my op YouTube
• Ra Ta Ta op YouTube