Robert Capa

in Wikipedia, die vrye ensiklopedie
Spring na: navigasie, soek
Robert Capa
’n Beeld van die betrokke persoonlikheid.
Robert Capa in Spanje met ’n Eyemo-16 mm-rolprentkamera (foto deur Gerda Taro).

Geboortenaam Endre Ernő Friedmann
Gebore (1913-10-22)22 Oktober 1913
Boedapest, Oostenryk-Hongarye
Oorlede 15 Mei 1954 (op 40)
Thai Binh, Viëtnam
Nasionaliteit Hongaars
Beroep Fotograaf

Robert Capa (geb. Endre Friedmann; 22 Oktober 1913 – 25 Mei 1954) was ’n Hongaarse oorlogsfotograaf en fotojoernalis wat foto's in vyf verskillende oorloë geneem het: Die Spaanse Burgeroorlog, die Tweede Sjinees-Japannese Oorlog, die Tweede Wêreldoorlog regdeur Europa, die Arabies-Israeliese Oorlog van 1948 en die Eerste Indo-Sjinese Oorlog.

Hy is in Hongarye gebore as Endre Ernő Friedmann, maar het die land op ’n jong ouderdom verlaat weens sy politieke betrokkenheid by teenstanders van die fascistiese regering. Hy wou aanvanklik ’n skrywer word, maar het eerste ’n fotografiewerk in Berlyn gekry en van die kunsrigting begin hou. In 1947 het Capa Magnum Photos in Parys gestig saam met ’n paar ander fotograwe, onder andere David Seymour en Henri Cartier-Bresson. Dit was die eerste koöperatiewe agentskap vir vryskutfotograwe.

Capa is bekend daarvoor dat hy oorlogstydse fotojoernalistiek herdefinieer het. Hy het sy foto's in die loopgrawe geneem en nie van armlengte-afstande af soos wat die norm voorheen was nie. Hy was bekend vir die sêding: "As jou foto's nie goed genoeg is nie, was jy nie naby genoeg nie."[1]

Verwysings[wysig]

Eksterne skakels[wysig]