Rodzimy Kościół Polski

in Wikipedia, die vrye ensiklopedie
Spring na: navigasie, soek
Oesfees in 2009
RKP se statuut

Die Rodzimy Kościół Polski, kort RKP, letterlik "Inheemse Poolse Kerk", is 'n Nieu-Heidense godsdiens in Pole. Sy leerstellings baseer op gerekonstrueerde Slawies-Heidense tradisies.

Die RKP is in Maart 1995 by die Poolse Departement van Binnelandse Sake se registrasiekantoor vir denominasies en kerke geregistreer. Die akteur en toneeldirekteur Lech Emfazy Stefański het as die RKP se eerste Hoofofferaar gefungeer.

Die RKP se religieuse oortuigings is hoofsaaklik henoteïsties, met elemente van panteïsme en politeïsme. Volgens die kerk is daar 'n kosmiese Krag (wat deur baie godsdienste "God" genoem word), met inkarnasies wat as laer godhede beskou word. Lede van die RKP beskou Svetovid as die inheemse, voor-Christelike vorm van God in Pole en maak in hul ikonografie dikwels gebruik van die Zbruch-standbeeld. Lidmaatskap in die kerk staan op vir elkeen, ongeag ras, nasionaliteit of geslag.

In 2002 is 'n tempel van die RKP in Montreal, Kanada ingewy.

Bronne[wysig]

  • Scott Simpson: Native Faith: Polish Neo-Paganism At the Brink of the 21st Century, 2000. ISBN 83-88508-07-5
  • Piotr Wiench: Neo-Paganism in Central Eastern European Countries. In: New Religious Phenomena in Central and Eastern Europe, 1997. ISBN 83-85527-56-7
  • Lech Emfazy Stefański: Wyrocznia Slowiańska: Magiczny Krąg Swiętowita. Warskou: Athanor 1993

Eksterne skakels[wysig]