Roemeense nasionale rugbyspan

in Wikipedia, die vrye ensiklopedie
Spring na: navigasie, soek
Roemenië
210px
Unie Federaţia Română de Rugby
Bynaam(e) Die Eike (Roemeens: Stejarii)
Stadion Arcul de Triumf Stadion
Afrigter(s) Vlag van Wallis Lynn Howells
Kaptein(s) Mihai Macovei
Spankleure


Alt. kleure

Statistiek
Meeste toetse 92 Cristian Petre
Meeste toetspunte 378 Dǎnuṭ Dumbravā
Meeste drieë 28 Gabriel Brezoianu
Eerste internasionale wedstryd
Vlag van Roemenië ROM 0–21 Vlag van Verenigde State VSA
(1 Julie 1919)
Grootste oorwinning
Vlag van Bulgarye BUL 0–100 Vlag van Roemenië ROM
(21 September 1976)
Grootste nederlaag
Vlag van Engeland ENG 134–0 Vlag van Roemenië ROM
(17 November 2001)
Wêreldbeker
Verskynings 7 (Eerste in 1987)
Beste uitslag Een oorwinning 1987, 1991, 1999, 2003 en 2007

Die Roemeense nasionale rugbyspan, met die bynaam Die Eike (Roemeens: Stejarii) is reeds lank een van die sterker Europese nasionale rugbyspanne buite die Sesnasie-kampioenskap. Die span neem aan internasionale kompetiesies soos die Wêreldbeker, die Europese Nasies Beker en die Super Beker deel. Rugby in Roemenië word bestuur deur die Roemeense Rugby Federasie. Die span speel in geel en blou kleure.

Frankryk het vir die eerste keer in 1924 teen Roemenië gespeel om 'n alternatief tot die Vyf-Nasies toernooi daar te stel nadat Frankryk uit die toernooi geskop is as gevolg van beweerde professionalisme. Op hulle beste, in die 1980's het die span Wallis (twee keer), Skotland (die 1984 Grand Slam span) en Frankryk (twee keer) geklop. In 1981 het hulle met slegs 14-6 teen die All Blacks verloor nadat twee drieë nie toegelaat is nie. Na die val van kommunisme het het Roemeense rugby egter agteruitgegaan.

Roemenië het egter in elke Rugby Wêreldbeker gespeel sedert die kompetisie vir die eerste keer in 1987 in Australië en Nieu-Seeland gehou is. Die span se beste uitslag in die toernooi tot dusver is enkele oorwinnings gedurende die poel stadium. Spanne soos die Georgië en Portugal, wat beide die Europese Nasies Beker ses keer gewen, het dreig egter om die nasie se plek aan die bokant van die nasies buite die Ses-Nasies oor te neem. Roemenië speel in Poel C in die 2007 Rugby Wêreldbeker saam met Portugal, Skotland, Italië en Nieu-Seeland.

Roemenië teen Ierland op Landsdowne Road

Geskiedenis[wysig]

Beginjare[wysig]

Rugby is van 1913 af na Roemenië ingevoer deur studente wat met rugbyballe van Parys af teruggekeer het om klubs soos Stadiul Roman te stig. Sewentien ander spanne sou in die hoofstad Boekarest gevorm word.

Roemenië se eerste internasionale wedstryd is in 1919 teen die VSA gespeel.

In 1924 behaal die Roemeense nasionale rugbyspan sy eerste oorwinning in 'n intrenasionale wedstryd teen Pole. Frankryk het vir die eerste keer rugby teen Roemenië gespeel in Mei 1924 toe dé land probeer het om 'n alternatief tot die Vyf-nasies daar te stel nadat Frankryk uit die kompetisie geskop is. Frankryk het die eerste wedstryd 59-3 gewen.

Roemenië was een van die drie lande wat rugbyspanne vir die 1924 Olimpiese Spele in Parys ingeskryf het. Frankryk het 59-3 gewen met dertien drië insluitend vier deur die Stade Francais vleuel Adolphe Jaureguy. Die VSA het Roemenië daarna 39-0 geklop. Roemenië het derde geëindig om die bronsmedalje te wen. Die Roemeense Rugbyfederasie (Roemeens: Federaţia Română de Rugby) is in 1931 gevorm. In 1939 is 'n span in Braşov by 'n vleigtuigfabriek gevorm wat die eerste span buite Boekarest was.

Naoorlogse Tydperk to teen die 1980's[wysig]

Die kommunistiese regering het rugby soos ander sportsoorte as 'n propagandainstrument gebruik tydens die Kouse Oorlog met die Weste. Elke internasionale sukses is voorgestel as die direkte gevolg van die korrektheid van die kommunistiese regering en ideologie. Alle finansiële hulpbronne is aangewend ter voorbereiding van die nasionale span wat tot verwaarlosing van binnelandse ontwikkeling van rugby gelei het. Topspelers is deur die leër of polisie in diens geneem, wie se spanne Steaua en Dynamo ses dae per week geoefen het in uitstekende sportsentrums. Hierdie infrastruktuur en belied het 'n baie talentvolle nasionale span te weeg gebring.

'n Generasie Franse skool opgeleide afrigters van die laat 1940's en die 1950's het 'n stelsel gebou wat gelei het tot nasionale span sukses in die 1960's, 70's en 80's. In die tydeperk het Roemenië meer gereeld teen ander nasies begin speel. Die span se eerste oorwinning oor Frankryk is in 1960 behaal en in 1976 het hulle 'n toer na Nieu-Seeland onderneem. Blootstelling aan internasionale rugby het gehelp om die sport in die land te ontwikkel en die Roemeniërs het 'n bepaalde spelstyl begin ontwikkely, gegrond op 'n reuse strek stel voorspelers. Dat die span as 'n ware rugbykrag begin ontluik het was duidelik op Cardiff Arms Park in 1979 in 'n nieamptelike, nie-toets wedstryd. Die Eike het in die doodsnikke van die wedstryd nog voorgeloop en slegs 'n skepskop deur Gareth Davies in die laaste paar minute het Wallis 'n 13-12 oorwinning besorg. Die verbetering is in 1980 voortgesit toe Roemenië die Franse vermorsel het in 'n rekord 15-0 oorwinning in Boekarest. 'n Reis na Lansdowne Road het daarna 'n 13-13 gelykop uitslag teen Ierland gelewer.

In die 1980's kon die land spog met meer as 12 000 spelers in 110 klubs. Tuis-nasiespanne het begin om wedstryde teen Roemenie as toetse te beskou in 1983. Wallis het in November 1983 na Boekarest gereis waar hulle deur die Roemeniërs oorweldig is en 'n 24-6 nederlaag moes verduur. Roemenië se eerste oorwinning oor Skotland is in Boekarest in 1984 behaal en hulle eerste weg-oorwinning teen 'n Vyf-Nasiesspan was in 1988 teen Wallis; 15-9 by Cardiff Arms Park.

Roemenie se nasionale span het Waliss (tee keer - 1983: 24 - 6 in Roemenië, 1988: 15-9 in Waliss), Skotland (die 1984 Grand Slam span 28 - 22 in Roemenië), Frankryk (twee keer 1980: 15 - 0 in Roemenië, 1982: 13 - 9 in Roemenië) en het gelykop gespeel teen Ierland (13-13, in 1980, in Dublin). In 1981, het hulle 14-6 teen die All Blacks verloor, maar twee drieë is nie toegelaat nie. Roemenië het Zimbabwe 21-20 verslaan in hulle eerste Rugby Wêreldbekerwedstryd in 1987, maar die span kon nie enige ander wedstryde wen nieen het nie na die uitklopstadium van die kompetisie deurgedring nie.

Na die val van Kommunisme[wysig]

Die val van kommunisme het in Roemenië met politieke en ekonomiese probleme in die 1990's gepaard gegaan wat ook 'n negatiewe impak op rugby in die land gehad het. Die twee voorste klubs - Dinamo Boekarest en Steaua Boekrest het onderskeidelik die polisie en leër verteenwoordig. met die besnoings in staatsbestding het die klubs se bevondsing ook drasties geval. verskeie leidende rugbyspelers het ook in die 1989 revolusie omgekom. Onder die sterfgevalle het Roemenië se kaptein Florică Murariu getel, 'n leëroffisier wat by 'n padblokkade doodgeskiet is.[1]

Na-revolusie Roemeense rugby was egter steeds lewendig. In 1990 het die Roemeense span hulle beste oorwinning tot op daardie stadium behaal deur Frankryk vir die eerste keer in Frankryk 12-6 te verslaan. Die volgende jaar het hulle Skotland 18-12 geklop. By die 1991 Wêreldbeker het hulle daarin geslaag om Fidji 17-15 te verslaan en so onlangs soos die 1995 Wêreldbeker het Roemenië die uiteindelik wenners Suid-Afrika tot 'n eervolle 21-8 beperk.

Professionalisme wat op die 1995 Wêreldbeker gevolg het was egter so te sê 'n doodskoot vir Roemeense rugby.[1] Daar word geskat dat omtrent 200 Roemeense spelers in Frankryk en Italië speel. Nie net spelergetalle het deurgeloop nie, 'n generasie potensiële skeidsregters en administrateurs het verlore gegaan.[1] Teen 1994 het Roemenië se rugby vooruitsigte kwaai gedaal en toe 'n Walliese span na Boekrest gereis het het die besoekers 'n 16-9 oorwinning behaal. In 1997 het die Roemeniërs na Wallis getoer. Die span het 36-21 teen Wallis A verloor by Pontypridd en 70-21 in 'n toets in Wrexham. By die 1999 Wêreldbeker kon Roemenië weereens slegs 'n enkele oorwinning van 27-25 teen die VSA behaal. Sedertdien het Roemenië se spelergetalle met 75% geval en die aantal klubs na slegs 28 geval, waarvan nie een met hulle eie klubhuis kan spog nie.

Die nuwe millennium[wysig]

11 November 2006 Skotland 44-6 Roemenië

In 2000 het Romenië die eerste Europese Nasiesbeker met 'n groot marge gewen met oorwinnings in al vier wedstryde. Teen 2001 het spanne soos Georgië egter by hulle opgevang en het die span hulle verslaan om die 2001 Europese Nasiesbeker te wen, bekroon met 'n beslissende oorwinning van 31-20 oor Roemenië in Boekarest. Die nasionale span het 138-0 teen Engeland verloor in 2001 en Dinamo Boekrest 151-0 teen Saracens in die Europese Rugbyskild. Verskeie Frankryk-gebaseerde spelers het geweier om vir die nederlaag teen Engeland op te daag omdat hulle 'n week se betaling van hulle klubs sou moes ontbeer. Spelers in die Roemeense span is £30 per dag betaal terwyl Engeland se top spelers £6,000 vir hulle middag se werk verdien het.


In Januarie 2002 is Bernard Charreyre aangestel as afrigter van die nasionale span. Hy is deur die Franse Rugbyfederasie (FFR) beskikbaar gestel wat ook sy kostes gedra het. Onder Charreyre (wat onder die span as 'Klein Napoleon' bekendgestaan het), is die Eike se agteruitgang omgkeer en het die span stadig weer uit die kelder van internasionale rugby begin reis. Met die verandering in formaat van die Europese Nasiesbeker het Roemenië in 2002 agter Georgië begin as gevolg van die insluiting van 2001 uitslae. Roemenië het egter daarin geslaag om al vyf oorblywende wedstryde te wen, insluitende 'n taai stryd in Tbilisi om 'n 31-23 oorwinning oor Georgië te beklink. Hulle het vir die Wêreldbeker in in 2003 gekwalifiseer waar hulle Namibië geklop het en 45-17 teen Ierland verloor het na 'n eervolle vertoning en 90-8 teen Australië en 50-3 teen Argentinië verloor het. Charreyre is na die Wêreldbeker ontslaan aangesien die Roemeense federasie nie tevrede was met die Wêreldbeker vertoning nieen besluit het om nie sy kontrak te hernu nie. Drie ander Franse afrigters het gevolg: eers, Phillipe Sauton, vir 'b baie kort tydperk, Robert Antonin as 'n tydelike plaasvervanger en uiteindelik die huidige afrigter Daniel Santamans.

In die 2003-2004 Europese Nasiesbeker het Portugal verras deur Roemenië 16-15 in Lissabon te verslaan om boaan die 2003 tabel te beland. In die tweede helfte van die kompetisie het dit gelyk of Roemenië herstel het (36-6 teen Portugal in Constanţa), maar het 24-33 teen Rusland verloor in Krasnodar na aantygings van die gebruik van opkikkers. Portugal het daarna hulle eerste titel behaal met 'n laaste-minuut 19-18 oorwinning oor Rusland in Lissabon. In 2004 het die Roemene 'n noue 25-24 oorwinning oor Italië beklink, hulle eerste oorwinning totdusver oor 'n Sesnasie-kampioenskapspan.

In 2005 is Roemenië 'tweede vlak' status deur die Internasionale Rugbyraad toegeken en het die land Rusland in die Super Powersbeker vervang. Die VSA het 'n Roemeense span wat sonder sy Frankryk-gebaseerde spelers moes speel 23-16 verslaan in die wedstryd om die derde plek. Die 2005-06 Europese Nasiesbeker het ook gedien as die kwalifiserende groep vir die 2007 Rugby Wêreldbeker. Roemenië het geseëvier ten spyte daarvan dat hulle op punte gelyk met Georgië geëindig het.

Roemenië het vir die 2007 Rugby Wêreldbeker in Frankryk gekwalifiseer deur bo-aan hulle poel te eindig in die vyfde rondte van die Europese kwalifiseringstoernooie. Roemenië het hulle eerste kwlifiseringswedstryd op 7 Oktober gewen toe hulle Georgië in Boekarest 20-8 verslaan het. Hulle 43-20 oorwinning oor Spanje in Madrid op 14 Oktober het verseker dat hulle direk vir die 2007 toernooi gekwalifiseer het. In Junie 2007 het Roemenië die IRB Nasiesbker in Boekrest aangebied.

Rekord[wysig]

Teen Gespeel Gewen Verloor Gelykop  % Gewen
Argentinië 7 0 7 0 0.00
Australië 3 0 3 0 0.00
België 2 2 0 0 100.00
Bulgarye 3 3 0 0 100.00
Kanada 3 1 2 0 33.33
Tsjeggiese Republiek 5 5 0 0 100.00
Tjeggoslowakye 20 19 0 1 95.00
Oos-Duitsland 13 12 0 1 92.31
Engeland 4 0 4 0 0.00
Fidji 1 1 0 0 100.00
Frankryk 50 8 40 2 16.00
Georgië 10 7 3 0 70.00
Duitsland 5 1 4 0 20.00
Ierland 8 0 8 0 0.00
Italië 41 16 22 3 39.02
Japan 3 1 2 0 33.33
Marokko 9 8 1 0 88.89
Namibië 2 2 0 0 100.00
Nederland 8 7 0 1 87.50
Nieu-Seeland 1 0 1 0 0.00
Pole 20 18 2 0 90.00
Portugal 12 11 1 0 91.67
Rusland 7 5 2 0 71.43
Skotland 12 2 10 0 16.67
(ru) Serwië en Montenegro 1 1 0 0 100.00
Suid-Afrika 1 0 1 0 0.00
(ru) Sowjetunie 22 18 3 1 81.82
Spanje 24 22 2 0 91.67
Tunisië 4 3 1 0 75.00
Oekraïne 3 3 0 0 100.00
VSA 5 1 4 0 20.00
Wallis 8 2 6 0 25.00
Wes-Duitsland 9 8 1 0 88.89
Zimbabwe 4 4 0 0 100.00
Totaal 330 191 130 9 57.88

Verwysing[wysig]

  1. 1,0 1,1 1,2 [1], Romania look to raise standard, besoek op 19 September 2007