Rooibekkwelea

in Wikipedia, die vrye ensiklopedie
Spring na: navigasie, soek
Rooibekkwelea
'n Swerm rooibekkweleas
Wetenskaplike klassifikasie
Koninkryk: Animalia
Filum: Chordata
Klas: Aves
Orde: Passeriformes
Familie: Ploceidae
Genus: Quelea
Rooibekkweleas in 'n boom.

Die Rooibekkwelea, een van die wêreld se mees talryke voëlspesies met 'n geskatte volwasse broeipopulasie van 1.5 miljard.[1], is 'n nomadiese voël wat in groot swerms in Sub-Sahara en Suider-Afrika voorkom. Dié voël word ook soms die "treksprinkaan" van die voëlwêreld vanweë hul geneigdheid om in kwetterende swerms van miljoene voëls te beweeg. Hierdie swerms kan langer as vyf ure neem terwyl hulle in gesinkroniseerde golf-bewegings verby vlieg.

'n Swerm rooibekkwelea wat op 'n kleingraanoes neerdaal, kan tot vier ton graan per dag verorber. Die vretende voëls mors ook baie van die graan wanneer dit halfgevreet op die grond val.

'n Swerm rooibekkwelea kan uit duisende voëls bestaan.

Broei en eetgewoontes[wysig]

Rooibekkwelea kan drie keer per seisoen broei, van Oktober tot April. Die voëls maak nes in groot kolonies van sowat 300 000 voëls. Die broeisiklus is gekoördineer en ’n groot hoeveelheid voëls sal gelyk opdaag en dadelik nesbou. Wyfies lê ’n gemiddeld van drie ligblou eiers op ’n keer, wat na 12 dae uitbroei. Die kuikens word vir die eerste 20 dae met insekte gevoer, waarna hulle onafhanklik aan grassade en graan begin voed. So ’n broeisiklus kan binne 35 dae voltooi word en die kolonie word gewoonlik binne ses weke verlaat.

Tydens die broeisesoen, sal die kwelea gewoonlik nie verder as 'n kilometer van hul broeiplek na kos soek nie. Buite die broeiseisoen kan hulle sowat 40 km na 'n voedingsbron aflê, om dan weer terug te keer na dieselfde slaapplek. Hulle is egter nomadiese voëltjies en kan ook veel verder na voedingsbronne vlieg.

Sien ook[wysig]

Bronne[wysig]

Commons
Wikimedia Commons het meer media verwant aan:
Quelea quelea (bladsy)
  • Die Burger, Dinsdag 28 Julie 2011

Verwysings[wysig]

Webskakels[wysig]