Rooikeelreier

Rooikeelreier
Bewaringstatus
Kwesbaar (IUBN 3.1)
Wetenskaplike klassifikasie
Koninkryk: Animalia Filum: Chordata Klas: Aves Orde: Ciconiiformes Familie: Ardeidae Genus: Egretta Spesie: E. vinaceigula
Binomiale naam
Egretta vinaceigula (Sharpe, 1895)

Die rooikeelreier is 'n seldsame, gelokaliseerde strandvoël.

Identifikasie

Dit lyk soos 'n leikleurige kleinwitreier, maar word aan sy geel tarsi (voetwortels), en van naby aan sy vaalbruin keel en geel oë en gesigvel, van die swartreier onderskei. Die pluime aan sy agterkop ontbreek soms. Dit is sowat 60 cm lank.

Habitat

Die reiers boer veral een-een by vlak, digbegroeide vloedpanne en langs stil rivierlope van die Okavangodelta, Linyanti- en Choberiviergebied van Noord-Botswana; 'n swerwer elders.

Verspreiding

Hulle kom veral rondom bogenoemde gebiede voor, maar ylverspreide groepies word ook aangetref in die noordelike deel van Namibië, Zimbabwe, Limpopo Provinsie en Noord-Wes Provinsie. Hulle word deur die IUBN geklassifiseer as 'n kwesbare spesie.

Ander name

• Wetenskaplike naam: Egretta vinaceigula
• Engels: "slaty egret"

Sien ook

• Alfabetiese lys van Suid-Afrikaanse voëls
• Lys van Suid-Afrikaanse voëls (Groepeer)
• Lys van Suider-Afrikaanse voëls volgens wetenskaplike name

Bronnelys

• Newman se Voëls van Suider-Afrika; ISBN 1868729826