Royal National Park

in Wikipedia, die vrye ensiklopedie
Spring na: navigasie, soek
Royal National Park
'n Wandelpad deur die Royal National Park, Australië
'n Wandelpad deur die Royal National Park, Australië
Land Australië
Provinsie Nieu-Suid-Wallis
Naaste dorp Sydney
Ligging van Royal National Park op 'n kaart (Australië)
Royal National Park
Royal National Park
Koördinate: 34°07′21″S 151°03′50″O Koördinate: 34°07′21″S 151°03′50″O
Oppervlak 150,91 km²
Openingsjaar 1879
Bestuursliggaam National Parks and Wildlife
Service (New South Wales)
Webblad Royal National Park

Die Royal National Park is 'n natuurreservaat in Nieu-Suid-Wallis, Australië, 29 km besuide van Sydney.

Die reservaat is deur Sir John Robertson, die waarnemende[1] Premier van Nieu-Suid-Wallis verklaar en formeel geopen op die 26ste April 1879. Dit is die wêreld se tweede oudste natuurreservaat na die Yellowstone Nasionale Park in die V.S.A. Aanvanklik het die reservaat bloot as The National Park bekend gestaan maar is herdoop in 1955 na Elisabeth II, die Koningin van Brittanje daardeur gereis het op pad na Wollongong, tydens haar toer van 1954.[2]

Oorsig[wysig]

Die park sluit die woonbuurte van Audley, Maianbar en Bundeena in. Daar was eens op 'n tyd 'n spoorlyn wat met die Illawarra-spoorlyn verbind was, maar dié is tans gesluit. Die Sydney Tramway Museum by Loftus bedryf tans 'n trêm op die lyn. Audley kan bereik word per pad vanaf verskeie treinstasies wat aan die park grens. Bundeena en Maianbar kan ook per pad bereik word deur die park of met 'n veerbootdiens vanaf Cronulla.

Daar is verskeie staproetes, braai- en piekniekplekke in die park. Bergfietse word ook toegelaat op verskeie veldpaadjies in die park. Daar is verskeie parkeerareas waar motors gelaat kan word as 'n mens gaan stap of fietsry. 'n Fooi van $11.00 word gehef op motors wat die park binnegaan.

Die park is reeds verskeie kere deur ernstige bosbrande geteister, en veral noemenswaardig was die brande van 1994 en die swartkersfees-bosbrande van 2001. Australiese inheemse bosse herstel natuurlik na bosbrande en met ingang 2009 was daar bitter min tekens van die brande sigbaar. Soms as daar 'n hoë brandgevaar heers word die park tydelik gesluit om besoekers se veiligheid te verseker.

Daar is verskeie kampeerterreine te Bundeena, North Era en Providential Point. Voorgenoemde is die enigste geoorloofde plekke vir kampering in die reservaat en word gereguleer deur 'n bespreking- en registrasiestelsel wat voorafbespreking noodsaak. 'n Fooi op motors wat die park binnegaan is van toepassing; toegang per voet is egter gratis.[3]

Verwysings[wysig]

Commons-logo.svg
Wikimedia Commons het meer media verwant aan:
  1. Royal National Park and Garawarra State Conservation Area, Sir Bertram Stevens Dr, Audley, NSW, Australia”. Australian Heritage Database. Department of the Environment and Water Resources. URL besoek op 2007-10-08.
  2. National parks”. Australia's Culture Portal. Department of Communications, Information Technology and the Arts: 2007-07-31. URL besoek op 2007-10-08.
  3. Which parks charge daily vehicle entry fees?”. NSW Department of Environment, Climate Change and Water. Department of Environment, Climate Change and Water. URL besoek op 2009-09-27.