Rudi Claase

in Wikipedia, die vrye ensiklopedie
Rudi Claase
Gebore11 Januarie 1983 (1983-01-11) (41 jaar oud)
Vereeniging, Suid-Afrika
GenresAfrikaanse populêre musiek
Beroep(e)Sanger, musikant, liedjieskrywer
EtiketteUniversal Music Publishing, Jewel Music Publishing, Select Musiek/Sony Music Entertainment Africa
AssosiasiesCorlea Botha
Zita Pretorius
Charné Hugo
Juanita du Plessis
Andriëtte Norman
Stephen Stewart
Webwerfwww.rudiclaase.com

Rudi Claase (gebore 11 Januarie 1983 in Vereeniging, Suid-Afrika) is 'n Afrikaanse sanger en liedjieskrywer. Hy het twee keer die "Reik na die sterre" kompetisie gewen en sy solo-album Thalita het goue status bereik. Claase het 'n paar maande in Amerika gewoon om ervaring in die musiekbedryf te kry voordat hy terug Suid-Afrika toe gekeer het, Hy het nog solo albums opgeneem voor hy saam met Corlea Botha opgetree het as Die Lieflinge.[1] Hy het Tussen Woorde, een van Juanita du Plessis se treffers geskryf, asook die immer gewilde treffer van Andriëtte Norman Sewe Oseane.[2][1] Onder ander kunstenaars is Rina Hugo, Sonja Herholdt, Theuns Jordaan, Manie Jackson, Patricia Lewis, Liesel Pieters en vele meer, In 2019 het hy 'n ere toekenning van die ATKV ontvang vir sy bydrae tot Afrikaanse musiek. (700 liedjies uit sy pen het in meer as 2 miljoen albums verskyn).

Die Lieflinge het opslae gemaak nadat hulle eerste duetalbum, Ons Lieflinge/Our Darlings binne agt weke reeds goue status bereik het.[3] Kort daarna het Corlea besluit om eerder 'n sololoopbaan te volg, waarna Zita Pretorius as Rudi se nuwe "liefling" aangewys is. Na 8 maande, is dit aangekondig dat hulle paaie skei om hulle op hul sololoopbane te fokus.[4] Charne Hugo is as die nuwe "liefling" opgeneem in 2014 en hulle sing nog steeds die "golden oldies" vir wie almal so lief is. Rudi en Charne het in 2018 die Ghoema-toekenning gewen vir hulle album "Miljoene Stemme" vir die Beste Ligte Klassieke Album van die jaar.

Claase was in 2019 vereer met 'n ATKV se Afrikoon toekenning vir sy bydrae tot Afrikaanse musiek.

In Februarie 2019, het die Nederlandse sangeres Belinda Kinnaer Claase na Nederland genooi om aan haar 20 jaar jubileumkonsert deel te neem. Haar vertaling van sy "Sewe oseane" het goudstatus in Nederland bereik en Claase het saam met name soos Ancora en Jan Keiser in 'n uitverkoopte vertoning opgetree.[5][6]

Claase se nuutste solo album "liedjieskrywer" was in 2021 vrygestel en het die "Afri-Indie" toekenning gewen vir beste album en beste solo kunstenaar. Hy skryf nogsteeds vir die land se grootste name in die bedryf.

Uitbeelding[wysig | wysig bron]

Claase gaan skool by Laerskool Sonlandpark en matrikuleer aan Hoërskool Transvalia in Vanderbijlpark.[7]

Persoonlike lewe[wysig | wysig bron]

Claase is gay en trou op 8 Maart 2010 met sy bestuurder, musiekpromotor Stephen Stewart, in die Pretoriase landdroshof.[8][9][10]

Claase en Stewart skei na 'n huwelik van bykans vier jaar. In 2013 oorleef Claase 'n selfmoordpoging nadat hy pille gedrink het en sy polse gesny het.[8]

Hy trou in 2016 met Suzette Booysen in Mauritius.[9]

Diskografie[wysig | wysig bron]

  • 2007: Jambo
  • 2008: Thalita
  • 2009: Ons Lieflinge / Our Darlings, met Corlea Botha
  • 2010: Ons Lieflinge / Our Darlings Vol.2 - Drome, met Corlea Botha
  • 2011: Ons Lieflinge / Our Darlings - Die Engele Sing, met Zita Pretorius
  • 2012: Mans vir Jesus
  • 2012: Kom ek skryf jou 'n liedjie
  • 2014: Ons Lieflinge - Asemrowend, met Charne Hugo
  • 2017: Ons Lieflinge - Miljoene stemme, met Charne Hugo
  • 2021. Liedjieskrywer

Verwysings[wysig | wysig bron]

  1. 1,0 1,1 Leonie Bezuidenhout (18 Julie 2019). "Rudi Claase oor loopbaan en 700 liedjies uit sy pen". Maroela Media. Geargiveer vanaf die oorspronklike op 27 April 2020. Besoek op 18 Junie 2019.
  2. "Kyk vir wie het Rudi Claase 'n liedjie geskryf". Huisgenoot. 20 November 2013. Geargiveer vanaf die oorspronklike op 16 Julie 2014.
  3. Rudi, Corlea maak hul drome waar, Beeld, 12 Februarie 2010.
  4. Rudi, Zita se paaie skei Geargiveer 26 Januarie 2012 op Wayback Machine, Nuus24, 19 November 2011
  5. Suijkerbuijk, Mitchel (4 April 2019). "Zangeres Belinda Kinnaer straalde na zware operatie op Mega Piraten Festijn". De Gelderlander (in Nederlands). Geargiveer vanaf die oorspronklike op 11 November 2019. Besoek op 11 November 2019.
  6. "25 jaar Belinda Kinnaer". Radio Ideaal. 24 Februarie 2019. Geargiveer vanaf die oorspronklike op 26 April 2020. Besoek op 11 November 2019.
  7. "Rudi Claase, Charne Hugo - Die Lieflinge" (in Engels). Die Groot Ontbyt. 28 Junie 2017. Geargiveer vanaf die oorspronklike op 27 April 2020. Besoek op 11 November 2019 – via www.youtube.com.
  8. 8,0 8,1 Igual, Roberto (8 Augustus 2013). "Gay Afrikaans Singer Survives Suicide Attempt". MambaOnline (in Engels). Geargiveer vanaf die oorspronklike op 6 Desember 2018. Besoek op 11 November 2019.
  9. 9,0 9,1 Van der Merwe, Jana (13 Oktober 2016). "'n Tree terug vir gay mense". Huisgenoot (in Engels). Geargiveer vanaf die oorspronklike op 11 November 2019. Besoek op 11 November 2019.
  10. "Sanger se gay huwelik lek uit". News24. 10 September 2010. Geargiveer vanaf die oorspronklike op 11 November 2019. Besoek op 11 November 2019.

Sien ook[wysig | wysig bron]

Eksterne skakels[wysig | wysig bron]