Rynse sendeling

in Wikipedia, die vrye ensiklopedie
Die Morawiese kerk op Wupperthal, vroeër die Rynse sendingkerk.

Die Rynse Sendelinge in Suid-Afrika was afkomstig van die Rynse Sendinggenootskap wat op 23 September 1828 in Duitsland gevorm is toe die vier sendingverenigings van Elberfeld, Barmen, Köln en Wesel saamgesmelt het.

Die oudste van die verenigings was Elberfeld wat in 1799 deur Gereformeerde en Lutherse lidmate gevorm is.

In die stigtingsjaar nog is die eerste sendeling na Suid-Afrika of die Kaapkolonie gestuur. Dit het gelei tot die stigting van die dorpie Wupperthal. Die eerste sendeling was Johann Gottfried Leipoldt.