SABMiller

SABMiller is die tweede grootste broumaatskappy in die wêreld (in terme van volume), naas InBev. Die maatskappy is in 2002 gevorm deur die samesmelting van South African Breweries en Miller Brewing.

Omdat brouery 'n industrie is met 'n hoë wins in verhouding, het meeste markte 'n winsgewende dominante brouer, 'n paar minder winsgewende, sekondêre brouers en invoere van dominante brouers in ander areas. Die areas waarin SABMiller dominant is sluit in Afrika, Noord-Amerika en Oos-Europa. Die maatskappy se hoofkwartiere is egter in Londen, waar dit 'n relatiewe klein aandeel in die mark het en nie enige van sy eie biere brou nie. Dit word verhandel op die London Stock Exchange en is deel van die FTSE 100 Indeks.

SABMiller het in Julie 2005 aangekondig dat hulle ingestem het om Bavaria S.A te verwerf. Bavaria S.A is 'n Kolombiese brouery dominant in sy tuisland, Peru, Ecuador en Panama. Dit is oor die algeheel die tweede grootste brouery in Suid-Amerika met 'n inkomste van meer as $2 miljard^† in 2004. 70% van Bavaria is besit deur die Santo Domingo familie wat hul aandeel verruil het vir nuwe aandele in SABMiller. Dié transaksie het vir hulle 'n aandeel van 15% tot 20% verseker, wat hulle die tweede grootste aandeelhouer maak. Volgens die New York Times is dié aandeel ongeveer $3.8 miljard^† werd, alhoewel die getal op 'n dag tot dag basis wissel in ooreenstemming met SABMiller se aandeelprys. SABMiller het ook 4.9 miljard^† Kolombiese pesos (ongeveer $2.2 miljard^†) se skuld aangeneem.

Besitreg

Die maatskappy se grootste aandeelhouer is Alteria Group, wat van tevore Miller Brewing besit het.

Handelsmerk

SABMiller se handelsmerke sluit in:

• Castle Lager
• Castle Lite
• Castle Milk Stout
• Carling Black Label
• Grolsch
• Lion Lager
• Miller Genuine Draft
• Miller High Life
• Miller Lite
• Pilsner Urquell (via brouer Plzeňský Prazdroj, a. s.)
• Birra Peroni
• Nastro Azzurro (Blue Ribbon in Italiaans)
• Redds
• Ursus
• Tyskie, Żubr en Lech - top 3 handelsmerke in Pole
• Sparks
• Steel Reserve

Bestuur

• Voorsitter: Meyer Kahn
• Hoof uitvoerende bestuurder: Ernest A. (Graham) Mackay
• Hoof finansiële bestuurder: Malcolm I. Wyman

Notas

• ^† Miljard = 1 000 000 000 (een duisend miljoen).

Bron

Vertaal van engelse wikpedia artikel

Eksterne skakels

• Amptelike webwerf
• Yahoo! - SABMiller plc Maatskappy profiel