San José, Costa Rica

in Wikipedia, die vrye ensiklopedie

San José

Kaart Wapen
Vlag
 Land Vlag van Costa Rica Costa Rica
 Provinsie San José
 Koördinate 09°56′N 84°05′W / 9.933°N 84.083°W / 9.933; -84.083
 Stigting 1738
 Oppervlakte:  
 - Totaal 44,62 vk km
 Hoogte bo seevlak 1 175 m
 Bevolking:  
 - Totaal (2011) 1 404 242
 - Bevolkingsdigtheid 282,8/vk km
 - Metropolitaanse gebied 2 350 000
 Tydsone CST (UTC -6)
 Burgemeester Johnny Araya Monge
 Amptelike Webwerf msj.go.cr

San José [saŋ xoˈse] is sedert 1821 die hoofstad en grootste stad van Costa Rica. Die stad is in 1738 deur Spanjaarde as Villa Nueva de la Boca del Monte gestig. Die stad het 'n bevolking van 1 404 242 en van 2 350 000 in die metropolitaanse gebied in 2011 gehad en het 'n oppervlakte van 44,62 km². Dit is in die middel van Costa Rica op 'n hoogte van 1 175 meter in die bergreeks Valle Central geleë. San José is vernoem ná Josef van Nasaret (José de Nazaret), die pa van Jesus Christus.

Klimaat[wysig | wysig bron]

San José lê, soos die res van die land, in die trope, maar sy hoogte gee die stad 'n gematigde klimaat. Die temperatuur wissel tussen 15 °C en 28,3 °C. Die reënseisoen is van April tot laat November, maar bewolktheid en reënval kan ook tydens die droë seisoen voorkom. Die weer is ook baie winderig, wat temperature verder kan verlaag. Relatiewe humiditeit wissel meestal tussen 60 en 90 persent.