Sandra Prinsloo

Sandra Prinsloo
Geboorte	15 September 1947
Nasionaliteit(e)	Suid-Afrika
Beroep(e)	Aktrise
Internet-rolprentdatabasis-profiel

Sandra Prinsloo (gebore op 15 September 1947) is 'n Suid-Afrikaanse aktrise. Sy het bekendheid verwerf met haar rol as Kate Thomson in die 1980-film The Gods Must Be Crazy. Sy het ook in verskeie televisie- en teaterproduksies opgetree.

Sy het 'n B.A. (Hons) graad aan die Universiteit van Pretoria verwerf.

In 1985 het sy en medeakteur John Kani 'n opskudding veroorsaak met die opvoering van die verhoogstuk Miss Julie. Prinsloo het die rol van 'n wit vrou vertolk wat 'n swart man verlei het. In reaksie hierop het die gehoor verskrik uitgestap. Die opvoering word as die eerste voorval beskou waar 'n swart man 'n wit vrou op die verhoog gesoen het.

Filmografie

Van die rolprente waarin sy gespeel het sluit in:

• Soweto Green (1995)
• Die Prince van Pretoria (1993)
• In the Name of Blood (1990)
• Quest for Love (1988)
• Jewel of the Gods (1989)
• The Outcast (1984)
• Claws (1982)
• The Gods Must Be Crazy (1980)
• Listen to My Story (1976)
• Target of an Assassin (1976)
• Deadly Jaws (1974) - as Sandra Prinzlow
• Siener in die suburbs (1973)