Sandringham House

in Wikipedia, die vrye ensiklopedie
Spring na: navigasie, soek
Sandringham House in Norfolk, Engeland.

Sandringham House is ’n koninklike landhuis naby die dorp Sandringham in Norfolk, Engeland. Die huis is nes Balmoral-kasteel in die private besit van die koninklike familie. In 1771 het die argitek Cornish Henley die geboue wat daar was afgebreek en Sandringham Hall gebou. Dit is in die 19de eeu deur Charles Spencer Cowper laat verander. Hy het ’n groot voorportaal an konservatorium laat bou wat deur die argitek Samuel Sanders Teulon ontwerp is.

Koningin Victoria het die huis in 1862 gekoop op aandrang van haar seun die Prins van Wallis, die toekomstige koning Edward VII, as ’n huis vir hom en sy nuwe bruid, Alexandra. In 1865, twee jaar nadat hulle ingetrek het, was die huis egter te klein na die prins se smaak en het hy A.J. Humbert gevra om die gebou af te breek en ’n groter huis te bou.

Die rooisteenhuis is in 1870 voltooi in ’n vreemde mengsel van style wat nie juis beskou word as die mees suksesvolle voorbeeld van ’n middel-Victoriaanse landhuis nie. ’n Nuwe vleuel is later bygevoeg in ’n meer tradisionele styl. Die ontwerp was miskien nie te waffers nie, maar dit was in ander opsigte sy tyd vooruit, met gasligte, watertoilette en selfs ’n vroeë soort stort. ’n Deel van die huis is deur ’n brand verwoes tydens die voorbereidings vir Edward se vyftigste verjaardagparty in 1891, en is later herbou.

Sandringham House was die private woning van vier geslagte monarge. Sedert koning George VI in 1952 daar dood is, is dit koningin Elizabeth II se gebruik om die herdenking van haar pa se dood en haar eie troonopvolging stil in Sandringham House te vier saam met haar familie. Dit is haar tuiste tot Februarie elke jaar. Die huis is in 1977 die eerste keer vir die publiek oopgestel en daar is ’n museum met uitstallings oor die koninklike lewe en die landgoed se geskiedenis.

Koning Olaf V van Noorweë is in Sandringham gebore. Koningin Alexandra, haar seuns prins Albert Victor, Hertog van Clarence en Avondale en koning George V, asook haar kleinseun koning George VI is almal in Sandringham dood.

Verwysings[wysig]

Hierdie artikel is merendeels vertaal vanaf die Engelse Wikipedia-artikel [1]

Eksterne skakels[wysig]

Commons-logo.svg
Wikimedia Commons het meer media verwant aan:
Sandringham House (kategorie)
Koninklike wonings in die Verenigde Koninkryk
 Bewoon  Bagshot ParkBalmoral-kasteelBirkhallBuckingham-paleisClarence HouseGatcombe ParkHighgrove HouseHillsborough-kasteelHolyrood-paleisSint James-paleisKensington-paleisLlwynywermodRoyal LodgeSandringham HouseThatched House LodgeWindsor-kasteel
 Histories  Paleis van BeaulieuBeaumont-paleisBrantridge ParkBridewell-paleisCarlton HouseCoombe AbbeyCoppinsCumberland LodgeDunfermline-paleisEdinburg-kasteelEltham-paleisFalkland-paleisFort BelvedereHampton Court-paleisKew-paleisKings LangleyLinlithgow-paleisMarlborough HouseKasteel van MeyNonsuch-paleisOatlands-paleisOsborne HousePaleis van PlacentiaQueen's HouseRibsden HoltRichmond-paleisRoyal PavilionSavoy-paleisStirling-kasteelSunninghill ParkLondense TowerPaleis van WestminsterPaleis van WhitehallWhite LodgeWoodstock-paleis