Sasolburg

Sasolburg
Sasolburg
Koördinate: 26°48′51″S 27°49′43″O
Land	Suid-Afrika
Provinsie	Vrystaat
Distriksmunisipaliteit	Fezile Dabi
Plaaslike Munisipaliteit	Metsimaholo
Stigting	1954
Hoogte	1 500 m (4 921 vt)
Bevolking (2010)
- Stad	85 227
Tydsone	SAST (UTC+2)
Poskode	1947
Skakelkode(s)	016
Webwerf: http://www.sasolburg.net/

Sasolburg is 'n dorp in die Noord-Vrystaat en ook deel van die Vaaldriehoek (wat insluit: Vereeniging, Meyerton en Vanderbijlpark). Die dorp is slegs 5 km suid van die Vaalrivier. Omringende dorpe sluit ook in: Oranjeville, Deneysville, Heilbron, Parys en Vredefort.

Geskiedenis

Die dorp is in 1954 gestig met die oprigting van SASOL 1 en ander chemiese nywerhede soos Natref, Karbochem, Safripol en Polifin om die werknemers te huisves. Die aanvanklike fokus was op die maak van petrol uit steenkool, maar een van die hoofprodukte is was. Die stad is beplan met behulp van moderne stadsbeplanningsbeginsels. Meer as 72 000 bome is geplant.

Distrik

Die distrik is in 1957 geproklameer en is 1 000 km² groot. Gemengde boerdery word beoefen. Sasolburg val nou onder die Metsimaholo munisipale gebied. Wat die dorp besonders maak is sy boomrykheid. Dit is die dorp met die meeste eikebome in die land - 26 verskillende spesies - en 'n groot verskeidenheid ander inheemse, sowel as uitheemse boomspesies.

Coalbrook ramp

Op 21 Januarie 1960 het Suid-Afrika se grootse mynramp plaasgevind by die Coalbrook steenkoolmyn toe die myn ineengestort en 435 myners gesterwe het.

Sien ook

• Lys van dorpe in Suid-Afrika

Bronne

• Ensiklopedie van Suidelike Afrika. Eric Rosenthal. 1967.
• Op Pad in Suid-Afrika. B.P.J. Erasmus. 1995. ISBN 1-86842-026-4